Dimash Qudaibergenniń jáne basqa da juldyzdardyń qatysýymen vokaldyq konkýrstyń finaly Aqtóbede 1-2 maýsymda ótedi. 2020 men 2021 jyldary ony Astana men Almaty qalasynda ótkizý boljanyp otyr.
2018 jylǵy 29 mamyrda Aqtóbe oblysynyń Óńirlik kommýnikatsiialar qyzmetimen ótkizilýi Aqtóbede 1-2 maýsymǵa belgilengen «Baqytty Bala» balalar vokaldyq festival-konkýrsynyń aldaǵy finaly boiynsha baspasóz-konferentsiia ótti.
BAQ ókilderiniń suraqtaryna Aqtóbe qalasy ákiminiń orynbasary Kúlparshyn Aidarhanova, «DimashAli» shyǵarmashylyq ortalyǵynyń basshysy Qanat Aitbaev, Baqytty Bala festivaliniń rejisser-stsenarisi, Ýkraina, Gretsiia, Túrkiia, Qazaqstandaǵy halyqaralyq kólemdi jobalardyń avtory Anna Oboianskaia jaýap berdi. Baspasózkonferentsiiasyna «Aqtóbe qalasy mádeniet jáne tilderdi damytý bólimi» MM basshysy Altynai Iýnisova jáne «DimashAli» shyǵarmashylyq ortalyǵynyń ókili, búkil álemge áigili ártis Dimash Qudaibergenniń anasy Svetlana Aitbaeva qurmetti qonaqtar retinde qatysty.
«BaqyttyBala -2018» estradalyq án konkýrsy ekendigin, oǵan 10-nan 15 jas shamasyna deiingi jas mýzykalyq daryndy balalar qatysqanyn esterińizge salamyz. Aqtóbe oblysynyń ákimdigi, «QAZAQSTAN» respýblikalyq Ulttyq arnasynyń qoldaýymen «DimashAli» shyǵarmashylyq ortalyǵy festivaldiń uiymdastyrýshylary boldy.
Uiymdastyrýshylar atap ótkendei, «Baqytty Bala» jobasy ózi jaily málimdegisi kelgen daryndy balalarǵa múmkinshilik berýge arnalǵan. Qazaqstan, Resei, Ýkraina, Ózbekstan jáne Gretsiiany qosa alǵanda, ártúrli elden kelgen 20 bala onyń qatysýshylaryna ainaldy – osy elderden kelgen úmitkerler 420 ótinishtiń arasynan qashyqtyqtan irikteýden ótti.
«Biz jyl saiyn «Baqytty Bala» festivalin ótkizýdi josparlap otyrmyz jáne atalǵan jobany Aqtóbe oblysynyń kópshilik moiyndaǵan brendine ainaldyrýdy ózimizdiń negizgi maqsatymyz retinde qoiamyz. «Baqytty Bala» konkýrsyn 2020 jyly Astanada, al 2021 jyly Almatyda ótkizý bizdiń josparymyzda», - dep jobanyń missiiasyn aiqyndady Aqtóbe qalasy ákiminiń orynbasary Kúlparshyn Aidarhanova.
«DimashAli» shyǵarmashylyq ortalyǵynyń basshysy Qanat Aitbaev osy konkýrsqa qatysatyn balalardyń taǵy da álemdik sahnanyń juldyzdaryna ainalýǵa úlken múmkinshilikteri bar dep atap kórsetti. «Qazirdiń ózinde bizdiń konkýrsanttarmen bolýy múmkin yntymaqtastyq týraly prodiýserlik ortalyqtardan usynystar túsip jatyr», - dep bólisti spiker.
Birneshe jeńimpaz arnaiy shaqyrylǵan estrada men sport juldyzdarynyń qatysýymen 2 maýsymda ótetin saltanatty marapattaý rásimi barysynda jariialanatyn bolady. Finalǵa qatysýshylar Bas júlde - 2 000 000 teńge úshin saiysqa túsetin bolady. Negizgi jeńimpazdan basqa, birinshi orynnyń iegerin - 1 500 000 teńge mólsherinde, ekinshi men úshinshi oryndardyń eki iegerin – sáikesinshe 750 000 teńge jáne 500 000 teńge mólsherinde aqshalai júlde kútip tur.
Ánshiniń anasy Svetlana Aitbaeva Qazaqstanǵa konkýrstyń finalyna kelý maqsatymen Finliandiia, Jańa Zelandiia, AQSh, Germaniia, Malaiziia, Japoniia, Polsha, Frantsiia, Resei, Indoneziia, Ýkraina jáne Qytaidy qosa alǵanda, álemniń ártúrli elderinen Dimashtyń jankúierleri keletinin áńgime barysynda aitty.
Dimashtan basqa, is-sharaǵa kelesi qonaqtar qatysady:
- Daneliia Tóleshova (Qazaqstan) – Ýkrainanyń «Golos. Diti» 2017 vokaldyq konkýrsynyń jeńimpazy
- Lýiza Nurqýatova – «Vitebskidegi Slavian bazary» 2015 halyqaralyq festivaliniń bas júldesiniń iegeri
- Vlad Sytnik (Ýkraina) – «Slavian bazary-2017» konkýrsynyń jeńimpazy
- Djordan Arakelian (Armeniia) – armian ánshisi
- Anastasiia Didýh (Ýkraina) – áýe gimnasty.
Konkýrstyń finaly Aqtóbe óner ortalyǵynyń «Óner ortalyǵy» kontserttik zalynda ótedi. «Aqtóbe qalasy mádeniet jáne tilderdi damytý bólimi» MM basshysy Altynai Iýnisova atap ótkendei, Ortalyqtyń kontserttik zaly 1200 adamdy otyrǵyzýǵa arnalǵan, bul rette solardyń ishinde 600-ge jýyǵyn uiymdastyrýshylar balalar úii men halyqtyń osal toptarynyń balalaryna berdi.
Sonymen qatar uiymdastyrýshylar balalardyń aqtyq saiys máresine qalai daiyndalyp jatqany jaily áńgimelep berdi:
«Balalardyń barlyq konkýrs boiy oqiǵaǵa toly baǵdarlamasy boldy. Biz qatysýshylardy tamasha úlgili talaptary bar demalys aimaǵyna ornalastyrdyq. Olar birinshi kelgen kúni «Dostyq keshi» boldy, onda bári bir-birimen tanysyp, birge keshki as ishti jáne uiymdastyrýshylardan brendtelgen kádesyilar aldy. Alda qala boiynsha oiyn-saýyq ekskýrsiiasy, odan soń vokal boiynsha Dimash Qudaibergenniń ustazy Marat Áitimovtiń sheberlik klastary, sondai-aq Ózbekstannyń halyq ártisi – Nodira Permatovanyń vokal boiynsha sabaqtary ótkiziletin bolady. Balalardyń júzi baqytqa toly, óitkeni olar úshin Aqtóbe qalasyna kelýge barlyq qolaily jaǵdailar jasalǵan. Aqtóbe qalasy olardyń jadynda osy baqyttyń izgi yqylasty, qonaqjai buryshy retinde uzaq saqtalatynyna senimim mol», - dep nyq aitty konkýrstyń rejisser-stsenarisi Anna Oboianskaia.
