ديماش قۇدايبەرگەننٸڭ جەنە باسقا دا جۇلدىزداردىڭ قاتىسۋىمەن ۆوكالدىق كونكۋرستىڭ فينالى اقتٶبەدە 1-2 ماۋسىمدا ٶتەدٸ. 2020 مەن 2021 جىلدارى ونى استانا مەن الماتى قالاسىندا ٶتكٸزۋ بولجانىپ وتىر.
2018 جىلعى 29 مامىردا اقتٶبە وبلىسىنىڭ ٶڭٸرلٸك كوممۋنيكاتسييالار قىزمەتٸمەن ٶتكٸزٸلۋٸ اقتٶبەدە 1-2 ماۋسىمعا بەلگٸلەنگەن «Baqytty Bala» بالالار ۆوكالدىق فەستيۆال-كونكۋرسىنىڭ الداعى فينالى بويىنشا باسپاسٶز-كونفەرەنتسييا ٶتتٸ.
باق ٶكٸلدەرٸنٸڭ سۇراقتارىنا اقتٶبە قالاسى ەكٸمٸنٸڭ ورىنباسارى كٷلپارشىن ايدارحانوۆا, «ديماشالي» شىعارماشىلىق ورتالىعىنىڭ باسشىسى قانات ايتباەۆ, Baqytty Bala فەستيۆالٸنٸڭ رەجيسسەر-ستسەناريسٸ, ۋكراينا, گرەتسييا, تٷركييا, قازاقستانداعى حالىقارالىق كٶلەمدٸ جوبالاردىڭ اۆتورى اننا وبويانسكايا جاۋاپ بەردٸ. باسپاسٶزكونفەرەنتسيياسىنا «اقتٶبە قالاسى مەدەنيەت جەنە تٸلدەردٸ دامىتۋ بٶلٸمٸ» مم باسشىسى التىناي يۋنيسوۆا جەنە «ديماشالي» شىعارماشىلىق ورتالىعىنىڭ ٶكٸلٸ, بٷكٸل ەلەمگە ەيگٸلٸ ەرتٸس ديماش قۇدايبەرگەننٸڭ اناسى سۆەتلانا ايتباەۆا قۇرمەتتٸ قوناقتار رەتٸندە قاتىستى.
«BaqyttyBala -2018» ەسترادالىق ەن كونكۋرسى ەكەندٸگٸن, وعان 10-نان 15 جاس شاماسىنا دەيٸنگٸ جاس مۋزىكالىق دارىندى بالالار قاتىسقانىن ەستەرٸڭٸزگە سالامىز. اقتٶبە وبلىسىنىڭ ەكٸمدٸگٸ, «QAZAQSTAN» رەسپۋبليكالىق ۇلتتىق ارناسىنىڭ قولداۋىمەن «ديماشالي» شىعارماشىلىق ورتالىعى فەستيۆالدٸڭ ۇيىمداستىرۋشىلارى بولدى.
ۇيىمداستىرۋشىلار اتاپ ٶتكەندەي, «Baqytty Bala» جوباسى ٶزٸ جايلى مەلٸمدەگٸسٸ كەلگەن دارىندى بالالارعا مٷمكٸنشٸلٸك بەرۋگە ارنالعان. قازاقستان, رەسەي, ۋكراينا, ٶزبەكستان جەنە گرەتسييانى قوسا العاندا, ەرتٷرلٸ ەلدەن كەلگەن 20 بالا ونىڭ قاتىسۋشىلارىنا اينالدى – وسى ەلدەردەن كەلگەن ٷمٸتكەرلەر 420 ٶتٸنٸشتٸڭ اراسىنان قاشىقتىقتان ٸرٸكتەۋدەن ٶتتٸ.
«بٸز جىل سايىن «Baqytty Bala» فەستيۆالٸن ٶتكٸزۋدٸ جوسپارلاپ وتىرمىز جەنە اتالعان جوبانى اقتٶبە وبلىسىنىڭ كٶپشٸلٸك مويىنداعان برەندٸنە اينالدىرۋدى ٶزٸمٸزدٸڭ نەگٸزگٸ ماقساتىمىز رەتٸندە قويامىز. «Baqytty Bala» كونكۋرسىن 2020 جىلى استانادا, ال 2021 جىلى الماتىدا ٶتكٸزۋ بٸزدٸڭ جوسپارىمىزدا», - دەپ جوبانىڭ ميسسيياسىن ايقىندادى اقتٶبە قالاسى ەكٸمٸنٸڭ ورىنباسارى كٷلپارشىن ايدارحانوۆا.
«ديماشالي» شىعارماشىلىق ورتالىعىنىڭ باسشىسى قانات ايتباەۆ وسى كونكۋرسقا قاتىساتىن بالالاردىڭ تاعى دا ەلەمدٸك ساحنانىڭ جۇلدىزدارىنا اينالۋعا ٷلكەن مٷمكٸنشٸلٸكتەرٸ بار دەپ اتاپ كٶرسەتتٸ. «قازٸردٸڭ ٶزٸندە بٸزدٸڭ كونكۋرسانتتارمەن بولۋى مٷمكٸن ىنتىماقتاستىق تۋرالى پروديۋسەرلٸك ورتالىقتاردان ۇسىنىستار تٷسٸپ جاتىر», - دەپ بٶلٸستٸ سپيكەر.
بٸرنەشە جەڭٸمپاز ارنايى شاقىرىلعان ەسترادا مەن سپورت جۇلدىزدارىنىڭ قاتىسۋىمەن 2 ماۋسىمدا ٶتەتٸن سالتاناتتى ماراپاتتاۋ رەسٸمٸ بارىسىندا جارييالاناتىن بولادى. فينالعا قاتىسۋشىلار باس جٷلدە - 2 000 000 تەڭگە ٷشٸن سايىسقا تٷسەتٸن بولادى. نەگٸزگٸ جەڭٸمپازدان باسقا, بٸرٸنشٸ ورىننىڭ يەگەرٸن - 1 500 000 تەڭگە مٶلشەرٸندە, ەكٸنشٸ مەن ٷشٸنشٸ ورىنداردىڭ ەكٸ يەگەرٸن – سەيكەسٸنشە 750 000 تەڭگە جەنە 500 000 تەڭگە مٶلشەرٸندە اقشالاي جٷلدە كٷتٸپ تۇر.
ەنشٸنٸڭ اناسى سۆەتلانا ايتباەۆا قازاقستانعا كونكۋرستىڭ فينالىنا كەلۋ ماقساتىمەن فينلياندييا, جاڭا زەلاندييا, اقش, گەرمانييا, مالايزييا, جاپونييا, پولشا, فرانتسييا, رەسەي, يندونەزييا, ۋكراينا جەنە قىتايدى قوسا العاندا, ەلەمنٸڭ ەرتٷرلٸ ەلدەرٸنەن ديماشتىڭ جانكٷيەرلەرٸ كەلەتٸنٸن ەڭگٸمە بارىسىندا ايتتى.
ديماشتان باسقا, ٸس-شاراعا كەلەسٸ قوناقتار قاتىسادى:
- دانەلييا تٶلەشوۆا (قازاقستان) – ۋكراينانىڭ «گولوس. دiتي» 2017 ۆوكالدىق كونكۋرسىنىڭ جەڭٸمپازى
- لۋيزا نۇرقۋاتوۆا – «ۆيتەبسكٸدەگٸ سلاۆيان بازارى» 2015 حالىقارالىق فەستيۆالٸنٸڭ باس جٷلدەسٸنٸڭ يەگەرٸ
- ۆلاد سىتنيك (ۋكراينا) – «سلاۆيان بازارى-2017» كونكۋرسىنىڭ جەڭٸمپازى
- دجوردان اراكەليان (ارمەنييا) – ارميان ەنشٸسٸ
- اناستاسييا ديدۋح (ۋكراينا) – ەۋە گيمناستى.
كونكۋرستىڭ فينالى اقتٶبە ٶنەر ورتالىعىنىڭ «ٶنەر ورتالىعى» كونتسەرتتٸك زالىندا ٶتەدٸ. «اقتٶبە قالاسى مەدەنيەت جەنە تٸلدەردٸ دامىتۋ بٶلٸمٸ» مم باسشىسى التىناي يۋنيسوۆا اتاپ ٶتكەندەي, ورتالىقتىڭ كونتسەرتتٸك زالى 1200 ادامدى وتىرعىزۋعا ارنالعان, بۇل رەتتە سولاردىڭ ٸشٸندە 600-گە جۋىعىن ۇيىمداستىرۋشىلار بالالار ٷيٸ مەن حالىقتىڭ وسال توپتارىنىڭ بالالارىنا بەردٸ.
سونىمەن قاتار ۇيىمداستىرۋشىلار بالالاردىڭ اقتىق سايىس مەرەسٸنە قالاي دايىندالىپ جاتقانى جايلى ەڭگٸمەلەپ بەردٸ:
«بالالاردىڭ بارلىق كونكۋرس بويى وقيعاعا تولى باعدارلاماسى بولدى. بٸز قاتىسۋشىلاردى تاماشا ٷلگٸلٸ تالاپتارى بار دەمالىس ايماعىنا ورنالاستىردىق. ولار بٸرٸنشٸ كەلگەن كٷنٸ «دوستىق كەشٸ» بولدى, وندا بەرٸ بٸر-بٸرٸمەن تانىسىپ, بٸرگە كەشكٸ اس ٸشتٸ جەنە ۇيىمداستىرۋشىلاردان برەندتەلگەن كەدەسىيلار الدى. الدا قالا بويىنشا ويىن-ساۋىق ەكسكۋرسيياسى, ودان سوڭ ۆوكال بويىنشا ديماش قۇدايبەرگەننٸڭ ۇستازى مارات ەيتٸموۆتٸڭ شەبەرلٸك كلاستارى, سونداي-اق ٶزبەكستاننىڭ حالىق ەرتٸسٸ – نوديرا پەرماتوۆانىڭ ۆوكال بويىنشا ساباقتارى ٶتكٸزٸلەتٸن بولادى. بالالاردىڭ جٷزٸ باقىتقا تولى, ٶيتكەنٸ ولار ٷشٸن اقتٶبە قالاسىنا كەلۋگە بارلىق قولايلى جاعدايلار جاسالعان. اقتٶبە قالاسى ولاردىڭ جادىندا وسى باقىتتىڭ ٸزگٸ ىقىلاستى, قوناقجاي بۇرىشى رەتٸندە ۇزاق ساقتالاتىنىنا سەنٸمٸم مول», - دەپ نىق ايتتى كونكۋرستىڭ رەجيسسەر-ستسەناريسٸ اننا وبويانسكايا.
