Foto: Daniiar Ahmetov/"Qairat" klýbynyń baspasóz qyzmeti
Jýrnalister ÝEFA Dastan Sátpaevty bapkeriniń ótinishimen alǵan sary qaǵazy úshin qalai jazalaýy múmkin ekenin anyqtap bildi, dep habarlaidy Sports.kz.
Eske sala keteiik, birneshe kún buryn "Kopengagen" komandasymen bolǵan oiynnan keiin "Qairat" bapkeri Rafael Ýrazbahtin suqbat barysynda Dastan Sátpaevqa sary qaǵaz alýdy tapsyrǵanyn moiyndady.
"Bul meniń sheshimim boldy. Men oǵan sary qaǵazdy alýdy tapsyrdym. Onyń eki eskertýi bar edi. Sol sebepti kelesi oiyndar aldynda "tazalanyp alýyn" ótindim. Bul taktikalyq sary qaǵaz boldy", - dedi bapker.
BAQ ókilderi ÝEFA mundai áreketterge qatysty qatań uaralar qoldaný múmkin ekenin aitty.
"ÝEFA tártiptik reglamentiniń 10 baby, d tarmaǵy boiynsha qasaqana sary nemese qyzyl qaǵaz alǵany úshin fýtbolshy jarystyń eki matchy nemese belgisiz merzimge oiyndardan shettetý múmkin", - delingen basylymnyń materialynda.
