Qaraǵandyda internet-dúken atyn jamylyp, 461 adamǵa 700 mln teńgeden astam shyǵyn keltirgen eki áielge sot úkimi shyqty, dep habarlaidy ult.kz.
Sot málimetinshe, áielder WhatsApp-ta toptar ashyp, Qytai men Túrkiiadan jihaz, turmystyq tehnika, avtokólik jáne basqa da taýarlardy arzan baǵamen jetkizýge ýáde bergen. Satyp alýshylardyń senimine kirý úshin jalǵan pikirler men beinejazbalardy paidalanǵan.
Alaida tapsyrystar oryndalmai, 461 adam zardap shekken. Áielderdiń kinási hat almasýlar, bank operatsiialary jáne ózge de dáleldermen rastalǵan. Sottalýshylar kinásin moiyndamai, aqtaýdy suraǵan.
Sot eki áieldi de 6 jyl 8 aiǵa bas bostandyǵynan aiyrdy. Alaida kámeletke tolmaǵan balalary baryn eskerip, jazany óteýdi bir jylǵa keiinge qaldyrdy. Jábirlenýshilerdiń azamattyq talaptary ishinara qanaǵattandyrylyp, 700 mln teńgeden astam shyǵyndy óndirip alý týraly sheshim qabyldandy.
Úkim zańdy kúshine engen joq.
