قاراعاندىدا ينتەرنەت-دٷكەن اتىن جامىلىپ, 461 ادامعا 700 ملن تەڭگەدەن استام شىعىن كەلتٸرگەن ەكٸ ەيەلگە سوت ٷكٸمٸ شىقتى, دەپ حابارلايدى ult.kz.
سوت مەلٸمەتٸنشە, ەيەلدەر WhatsApp-تا توپتار اشىپ, قىتاي مەن تٷركييادان جيھاز, تۇرمىستىق تەحنيكا, اۆتوكٶلٸك جەنە باسقا دا تاۋارلاردى ارزان باعامەن جەتكٸزۋگە ۋەدە بەرگەن. ساتىپ الۋشىلاردىڭ سەنٸمٸنە كٸرۋ ٷشٸن جالعان پٸكٸرلەر مەن بەينەجازبالاردى پايدالانعان.
الايدا تاپسىرىستار ورىندالماي, 461 ادام زارداپ شەككەن. ەيەلدەردٸڭ كٸنەسٸ حات الماسۋلار, بانك وپەراتسييالارى جەنە ٶزگە دە دەلەلدەرمەن راستالعان. سوتتالۋشىلار كٸنەسٸن مويىنداماي, اقتاۋدى سۇراعان.
سوت ەكٸ ەيەلدٸ دە 6 جىل 8 ايعا باس بوستاندىعىنان ايىردى. الايدا كەمەلەتكە تولماعان بالالارى بارىن ەسكەرٸپ, جازانى ٶتەۋدٸ بٸر جىلعا كەيٸنگە قالدىردى. جەبٸرلەنۋشٸلەردٸڭ ازاماتتىق تالاپتارى ٸشٸنارا قاناعاتتاندىرىلىپ, 700 ملن تەڭگەدەن استام شىعىندى ٶندٸرٸپ الۋ تۋرالى شەشٸم قابىلداندى.
ٷكٸم زاڭدى كٷشٸنە ەنگەن جوق.
