«Sý aidynyn kóbirek balyqtandyrsań – kóbirek kvota alasyń» qaǵidatyna kóshý bóliginde kvotalardy bólý erejesine ózgerister engizildi.
Bul týraly Ekologiia, geologiia jáne tabiǵi resýrstar ministrligi Balyq sharýashylyǵy komitetiniń tóraǵasy Nariman Júnisov aitty, dep habarlaidy QazAqparat.
Onyń aitýynsha, balyq aýlaýdy retteý tetikterin jetildirý jáne balyqty zańsyz aýlaǵany úshin jaýapkershilikti kúsheitý maqsatynda zań júzinde tiisti sharalar qabyldandy.
«Birinshiden, balyq resýrstaryn paidalanǵany úshin jyldyqtyń ornyna toqsan saiynǵy tólem engizildi. Buǵan deiin biznes ruqsat alǵanǵa deiin balyq aýlaý tólemderin tóledi, bul aitarlyqtai qarjylyq júkteme boldy jáne kóbinese nesie qarajatyn alýǵa nemese olardy ainalym qarajatynan alýǵa májbúr etti. Osy ózgeristerdi eskere otyryp, biyldyń naýryz aiynda janýarlar dúniesin paidalanýǵa ruqsat berý erejesi tiisti sáikestendirýden ótkizildi», - dedi N. Júnisov Ortalyq kommýnikatsiialar qyzmetinde.
Budan bólek, balyq sharýashylyǵy sý aidyndaryn bekitip berý tetigi ózgertildi, ol aýktsion ótkizýdi kózdeidi.
«Sonymen qatar, «Sý aidynyn kóbirek balyqtandyrsań – kóbirek kvota alasyń» qaǵidatyna kóshý bóliginde kvotalardy bólý erejesine ózgerister engizildi. Endi balyq aýlaýǵa kvotalardy bólý kezinde bekitilgen sý aidyndaryn paidalanýshylardyń balyq jiberý kólemi eskeriletin bolady», - dedi komitet basshysy.
