Indoneziiada ótip jatqan jazǵy Aziia oiyndarynda qazaqstandyq balýan Juldyz Eshimova erkin kúresten áielder arasynda 53 kelide kúmis medal ielendi, dep habarlaidy Azattyq tilshisi.
Ol finalda biylǵy Aziia chempiony Pak Iong Mimen (Soltústik Koreia) kezdesip, 0:11 esebimen jeńildi.
Eshimova finalǵa deiin Ońtústik Koreia sportshysy Li Chen Heni (11:6), tailandyq Djantima Virangsany 10:0 esebimen jeńgen. Jartylai finalda mońǵoliialyq Erdenechimegei Sýmiadan 15:14 esebimen basym tústi. Mońǵoliia balýany biyl naýryzda Bishkekte ótken Aziia chempionatynda Eshimovany jeńgen.
Bul - Qazaqstannyń biylǵy Aziia oiyndaryndaǵy altynshy medali. 19 tamyzda qazaqstandyq semserlesýshi Dmitrii Aleksanin altyn alǵan. Erkin kúresten Qazaqstan erler quramasy bir kúmis, eki qola ielengen. Al búgin, 20 tamyzda taekvondoshy Fariza Aldonǵarova Aziia oiyndarynyń qola júldegeri atanǵan.
Qazaqstannan Aziadaǵa 440 sportshy qatysady. Aziia oiyndary qyrkúiektiń 2-ci kúni aiaqtalady.
