Balqashta óndiris ornynda 47 jastaǵy jumysshy aýyr jaraqat aldy. Oqiǵa «Montajnik-EM» JShS-niń óndiristik bólimshesinde tokarlyq jumys kezinde bolǵan, dep habarlaidy ult.kz.
Balqashta jumysshynyń qolyn stanok tartyp ketti
Balqashta óndiris ornynda 47 jastaǵy jumysshy aýyr jaraqat aldy. Oqiǵa «Montajnik-EM» JShS-niń óndiristik bólimshesinde tokarlyq jumys kezinde bolǵan.
Aldyn ala málimet boiynsha, jumysshy bilikti najdak qaǵazymen tegistep jatqan kezde onyń oń qolyn stanok tartyp ketken. Zardap shekken azamat Balqash qalasynyń ortalyq aýrýhanasyna jetkizildi.
Dárigerler onyń jaǵdaiyn ortasha aýyr, biraq turaqty dep baǵalap otyr. Naýqastyń sanasy anyq, dárigerlermen bailanysta. Oǵan operatsiia jasalǵan.
Oqiǵaǵa bailanysty arnaiy tergeý komissiiasy quryldy. Qazir jazataiym oqiǵanyń sebepteri men mán-jaiy, sondai-aq óndiriste eńbek qaýipsizdigi talaptarynyń saqtalýy tekserilip jatyr.
Túpkilikti qorytyndy arnaiy tergeý aiaqtalǵannan keiin belgili bolady.
Aita keteiik, buǵan deiin jyl basynan beri óndiriste 727 jumysshynyń zardap shekkeni habarlanǵan edi.
