Balqash qalasynyń órt sóndirýshileri jalynmen kúresý barysynda jylý kollektorynan er adamnyń máiitin tapty. Qazirgi tańda mamandar ólimniń sebebin anyqtap jatyr, dep habarlaidy "Ult aqparat".
Tańerteń Balqash qalasynyń Aǵybai batyr kóshesindegi №17 úidiń turǵyndary jaqyn mańdaǵy jylý trassasynan tútin shyǵyp jatqanyn baiqap, órt sóndirýshilerdi shaqyrǵan. Oqiǵa ornyna kelgen órt sóndirýshiler kollektordan er adamnyń denesin tapty.
«1 naýryz kúni saǵat 07:35-te Balqash qalasynyń Aǵybai batyr kóshesi, №17 úidiń janynda jylý trassasynyń kollektorynda 8 sh. m. alańda qoqys janyp ketti, órt 07:52-de joiyldy. Oqiǵa ornynda er adamnyń janyp ketken denesi tabyldy. Ólimniń mán-jaiy anyqtalýda. SME taǵaiyndaldy», - dep habarlady Qaraǵandy oblysy TJD baspasóz qyzmeti.
