بالقاش قالاسىنىڭ ٶرت سٶندٸرۋشٸلەرٸ جالىنمەن كٷرەسۋ بارىسىندا جىلۋ كوللەكتورىنان ەر ادامنىڭ مەيٸتٸن تاپتى. قازٸرگٸ تاڭدا ماماندار ٶلٸمنٸڭ سەبەبٸن انىقتاپ جاتىر, دەپ حابارلايدى "ۇلت اقپارات".
تاڭەرتەڭ بالقاش قالاسىنىڭ اعىباي باتىر كٶشەسٸندەگٸ №17 ٷيدٸڭ تۇرعىندارى جاقىن ماڭداعى جىلۋ تراسساسىنان تٷتٸن شىعىپ جاتقانىن بايقاپ, ٶرت سٶندٸرۋشٸلەردٸ شاقىرعان. وقيعا ورنىنا كەلگەن ٶرت سٶندٸرۋشٸلەر كوللەكتوردان ەر ادامنىڭ دەنەسٸن تاپتى.
«1 ناۋرىز كٷنٸ ساعات 07:35-تە بالقاش قالاسىنىڭ اعىباي باتىر كٶشەسٸ, №17 ٷيدٸڭ جانىندا جىلۋ تراسساسىنىڭ كوللەكتورىندا 8 ش. م. الاڭدا قوقىس جانىپ كەتتٸ, ٶرت 07:52-دە جويىلدى. وقيعا ورنىندا ەر ادامنىڭ جانىپ كەتكەن دەنەسٸ تابىلدى. ٶلٸمنٸڭ مەن-جايى انىقتالۋدا. سمە تاعايىندالدى», - دەپ حابارلادى قاراعاندى وبلىسى تجد باسپاسٶز قىزمەتٸ.
