Balqash qalasynda mobildi top kópshilik jinalǵan úilený toiyn toqtatty. Shara qojaiyny men meiramhana basshylyǵymen qatar qonaqtarǵa da aiyppul salynýy múmkin, dep habarlaidy "Ult aqparat".
Balqash qalasynyń mobildi toby «Ailin» meiramhanasynda kópshilik jinalǵan is-sharany toqtatty. Nátijesinde toi iesimen qatar jinalǵan qonaqtarǵa da aiyppul salynýy múmkin.
«Úilený toiyn ótkizý týraly aqparat úilestirý ortalyǵyna kelip tústi. Mobildi top orynǵa sanaýly minýttarda keldi. Alaida meiramhana basshylyǵy reid júrgizýshilerdiń ishke kirýine jol bermeýge tyrysty. Sondyqtan oqiǵa ornyna arnaiy qyzmetter shaqyryldy. Nátijesinde olar ǵimaratqa tereze arqyly kirdi. Barlyq qonaqtar túsinikteme jazdy. Aiyppul mekemeniń iesi men sharany uiymdastyrýshyǵa ǵana emes, qonaqtarǵa da salynýy múmkin. Materialdar Balqash qalasynyń sanitarlyq-epidemiologiialyq baqylaý mekemesine jiberildi», - dep habarlady Balqash qalasy ákimdiginiń baspasóz qyzmeti.
Osy ýaqytta Balqashta virýs juqtyrǵandar sany artyp keledi. Kúnine infektsiiany júzdegen adam juqtyryp alyp jatyr. Ótken aida 13 balqashtyq koronavirýstan qaitys boldy.
