بالقاش قالاسىندا موبيلدٸ توپ كٶپشٸلٸك جينالعان ٷيلەنۋ تويىن توقتاتتى. شارا قوجايىنى مەن مەيرامحانا باسشىلىعىمەن قاتار قوناقتارعا دا ايىپپۇل سالىنۋى مٷمكٸن, دەپ حابارلايدى "ۇلت اقپارات".
بالقاش قالاسىنىڭ موبيلدٸ توبى «ايلين» مەيرامحاناسىندا كٶپشٸلٸك جينالعان ٸس-شارانى توقتاتتى. نەتيجەسٸندە توي يەسٸمەن قاتار جينالعان قوناقتارعا دا ايىپپۇل سالىنۋى مٷمكٸن.
«ٷيلەنۋ تويىن ٶتكٸزۋ تۋرالى اقپارات ٷيلەستٸرۋ ورتالىعىنا كەلٸپ تٷستٸ. موبيلدٸ توپ ورىنعا ساناۋلى مينۋتتاردا كەلدٸ. الايدا مەيرامحانا باسشىلىعى رەيد جٷرگٸزۋشٸلەردٸڭ ٸشكە كٸرۋٸنە جول بەرمەۋگە تىرىستى. سوندىقتان وقيعا ورنىنا ارنايى قىزمەتتەر شاقىرىلدى. نەتيجەسٸندە ولار عيماراتقا تەرەزە ارقىلى كٸردٸ. بارلىق قوناقتار تٷسٸنٸكتەمە جازدى. ايىپپۇل مەكەمەنٸڭ يەسٸ مەن شارانى ۇيىمداستىرۋشىعا عانا ەمەس, قوناقتارعا دا سالىنۋى مٷمكٸن. ماتەريالدار بالقاش قالاسىنىڭ سانيتارلىق-ەپيدەميولوگييالىق باقىلاۋ مەكەمەسٸنە جٸبەرٸلدٸ», - دەپ حابارلادى بالقاش قالاسى ەكٸمدٸگٸنٸڭ باسپاسٶز قىزمەتٸ.
وسى ۋاقىتتا بالقاشتا ۆيرۋس جۇقتىرعاندار سانى ارتىپ كەلەدٸ. كٷنٸنە ينفەكتسييانى جٷزدەگەن ادام جۇقتىرىپ الىپ جاتىر. ٶتكەن ايدا 13 بالقاشتىق كوروناۆيرۋستان قايتىس بولدى.
