Foto: QR TjSM
QR Prezidentiniń tapsyrmasy aiasynda Týrizm jáne sport ministri Erbol Myrzabosynov Qaraǵandy oblysyndaǵy Balqash kóliniń kýrorttyq aimaǵyna bardy. Ministr óńirdegi infraqurylym men týrizmdi damytý sharalarymen tanysty, dep habarlaidy Ult.kz.
Týrister arasynda suranysqa ie Bertis shyǵanaǵy, Toranǵalyq pen Shubartúbek aýyldary sońǵy ýaqytta demalýshylardyń erekshe nazaryn aýdaryp otyr. Qaraǵandy – Balqash avtojolynyń ashylýy týristik baǵytqa qoljetimdilikti arttyryp, kólik infraqurylymyn aitarlyqtai jaqsartty. Bul óz kezeginde týrister leginiń kúrt ósýine áser etti: 5–7 shilde aralyǵynda Balqashqa 60 myńnan astam adam kelgen. Al ótken jyly bul aimaqqa jyl boiy 140 myń týrist kelgen edi.
Erbol Myrzabosynovtyń aitýynsha, kólik joldarynyń jaqsarýy adamdardy saiahatqa yntalandyrady. Osy sebepti óńirlerdi damytýda keshendi tásil qoldaný mańyzdy. Ministr týrizm salasyndaǵy barlyq bastamalar elimiz boiynsha júieli túrde júrgizilýi qajet ekenin aitty.
Balqash óńirinde týrister men turǵyndarǵa qolaily jaǵdai jasaý úshin sý qubyry júieleri jańartylyp jatyr. Toranǵalyq pen Shubartúbek aýyldarynda magistraldy sý qubyrynyń qurylysy bastaldy. Sonymen qatar Shubartúbek aýylynda politsiia, meditsinalyq qyzmet pen tótenshe jaǵdailar qyzmetteriniń modýldik beketteri ornatylyp, sý aidyndarynda qutqarýshylar kezekshilik atqarýda.
Qonaqúilerdi sanattar boiynsha resmi túrde jikteý máselesi de ózekti bolyp otyr. Qapshaǵai men Alakólde kezdesetin bul jaǵdai Balqashta da baiqalady – kýrorttyq aimaqtaǵy nysandardyń kópshiligi «juldyzdy» mártebege ie emes. Bul infraqurylym men qyzmet sapasyna baqylaý jasaýdy qiyndatady. Qazir bul másele zańnamalyq turǵyda qaralý ústinde.
Óńirlik saparlar aiaqtalǵannan keiin anyqtalǵan kemshilikterdi joiý maqsatynda tekserý jumystary qaita júrgizilmek.
