فوتو: قر تجسم
قر پرەزيدەنتٸنٸڭ تاپسىرماسى اياسىندا تۋريزم جەنە سپورت مينيسترٸ ەربول مىرزابوسىنوۆ قاراعاندى وبلىسىنداعى بالقاش كٶلٸنٸڭ كۋرورتتىق ايماعىنا باردى. مينيستر ٶڭٸردەگٸ ينفراقۇرىلىم مەن تۋريزمدٸ دامىتۋ شارالارىمەن تانىستى, دەپ حابارلايدى Ult.kz.
تۋريستەر اراسىندا سۇرانىسقا يە بەرتٸس شىعاناعى, تورانعالىق پەن شۇبارتٷبەك اۋىلدارى سوڭعى ۋاقىتتا دەمالۋشىلاردىڭ ەرەكشە نازارىن اۋدارىپ وتىر. قاراعاندى – بالقاش اۆتوجولىنىڭ اشىلۋى تۋريستٸك باعىتقا قولجەتٸمدٸلٸكتٸ ارتتىرىپ, كٶلٸك ينفراقۇرىلىمىن ايتارلىقتاي جاقسارتتى. بۇل ٶز كەزەگٸندە تۋريستەر لەگٸنٸڭ كٷرت ٶسۋٸنە ەسەر ەتتٸ: 5–7 شٸلدە ارالىعىندا بالقاشقا 60 مىڭنان استام ادام كەلگەن. ال ٶتكەن جىلى بۇل ايماققا جىل بويى 140 مىڭ تۋريست كەلگەن ەدٸ.
ەربول مىرزابوسىنوۆتىڭ ايتۋىنشا, كٶلٸك جولدارىنىڭ جاقسارۋى ادامداردى ساياحاتقا ىنتالاندىرادى. وسى سەبەپتٸ ٶڭٸرلەردٸ دامىتۋدا كەشەندٸ تەسٸل قولدانۋ ماڭىزدى. مينيستر تۋريزم سالاسىنداعى بارلىق باستامالار ەلٸمٸز بويىنشا جٷيەلٸ تٷردە جٷرگٸزٸلۋٸ قاجەت ەكەنٸن ايتتى.
بالقاش ٶڭٸرٸندە تۋريستەر مەن تۇرعىندارعا قولايلى جاعداي جاساۋ ٷشٸن سۋ قۇبىرى جٷيەلەرٸ جاڭارتىلىپ جاتىر. تورانعالىق پەن شۇبارتٷبەك اۋىلدارىندا ماگيسترالدى سۋ قۇبىرىنىڭ قۇرىلىسى باستالدى. سونىمەن قاتار شۇبارتٷبەك اۋىلىندا پوليتسييا, مەديتسينالىق قىزمەت پەن تٶتەنشە جاعدايلار قىزمەتتەرٸنٸڭ مودۋلدٸك بەكەتتەرٸ ورناتىلىپ, سۋ ايدىندارىندا قۇتقارۋشىلار كەزەكشٸلٸك اتقارۋدا.
قوناقٷيلەردٸ ساناتتار بويىنشا رەسمي تٷردە جٸكتەۋ مەسەلەسٸ دە ٶزەكتٸ بولىپ وتىر. قاپشاعاي مەن الاكٶلدە كەزدەسەتٸن بۇل جاعداي بالقاشتا دا بايقالادى – كۋرورتتىق ايماقتاعى نىسانداردىڭ كٶپشٸلٸگٸ «جۇلدىزدى» مەرتەبەگە يە ەمەس. بۇل ينفراقۇرىلىم مەن قىزمەت ساپاسىنا باقىلاۋ جاساۋدى قيىنداتادى. قازٸر بۇل مەسەلە زاڭنامالىق تۇرعىدا قارالۋ ٷستٸندە.
ٶڭٸرلٸك ساپارلار اياقتالعاننان كەيٸن انىقتالعان كەمشٸلٸكتەردٸ جويۋ ماقساتىندا تەكسەرۋ جۇمىستارى قايتا جٷرگٸزٸلمەك.
