Almatyda 4,5 jastaǵy ulyn uryp taldyrdy degen kúdikpen ustalǵan áke Murat Asqaroǵlyǵa qatysty sot úkimi bolmai qaldy, dep habarlaidy QazAqparat.
Sot aldynda óz balasyn uryp óltirmek boldy degen kúdikpen ákesi jaýap berip jatyr.
Jaryssóz kezinde prokýror ony 11 jyl 3 ai bas bostandyǵynan aiyrý týraly jaza suraǵan bolatyn.
Sot úkimi alqa biler qatysýymen ótti. Sýdia úkimdi oqi bastaǵan sátte týystary aiǵai-shý kóterip jiberdi. Sondyqtan, sýdia zaldan shyǵyp ketýge májbúr boldy.
Eske sala keteiik, qaiǵyly oqiǵa 16 shilde kúni Odesskaia men Brianskaia kósheleriniń qiylysynda boldy. Turǵyndar tal túbinen 4,5 jasar balany taýyp alǵan. Bala shala-jansar kúiinde shuǵyl aýrýhanaǵa jetkizilip, ota jasaldy.
Almaty politsiiasy jantúrshigerlik oqiǵaǵa kúdikti retinde balanyń ákesin ustady. Murat Asqaroǵly óziniń kinásin moiyndap, qazaqstandyqtardan keshirim surady.
Er adam mastyqtan eseńgirep turǵanda balasynyń qyńqyl-syńqylyn kótere almai, taspen samaiynan bir-aq urǵan.
Murat Asqaroǵly QR QK 99-babynyń 2-bólimi 3-tarmaǵymen («Dármensiz adamdy óltirýge oqtalǵany úshin») jáne QR QK 24-babynyń 3-bólimimen aiyptalýda.
Sýdia bul isti toqtatyp, qaita tergeýge jibergen bolatyn.
