Almatyda tórt jarym jastaǵy ulyn uryp taldyrdy degen kúdikpen ustalǵan áke Murat Asqaroǵlyǵa qatysty sot úkimi shyqty, dep habarlaidy "Ult aqparat".
Murat Asqaroǵly QR QK 99-babynyń 2-bólimi 3-tarmaǵymen («Dármensiz adamdy óltirýge oqtalǵany úshin») jáne QR QK 24-babynyń 3-bólimimen aiypty dep tanylyp, oǵan 5 jylǵa bas bostandyǵynan aiyrý týraly úkim shyqty.
Jazasyn óteý merzimi 2018 jyldyń 2 tamyzynan, iaǵni ustalǵan ýaqyttan bastap esepteldi.
Eske sala keteiik, qaiǵyly oqiǵa 16 shilde kúni Odesskaia men Brianskaia kósheleriniń qiylysynda boldy. Turǵyndar tal túbinen tórt jarym jasar balany taýyp alǵan. Bala shala-jansar kúiinde shuǵyl aýrýhanaǵa jetkizilip, ota jasaldy. Almaty politsiiasy jantúrshigerlik oqiǵaǵa kúdikti retinde balanyń ákesin ustady. Murat Asqaroǵly óziniń kinásin moiyndap, qazaqstandyqtardan keshirim surady. Er adam mastyqtan eseńgirep turǵanda balasynyń qyńqyl-syńqylyn kótere almai, taspen samaiynan bir-aq urǵan.
Sýdia bul isti toqtatyp, qaita tergeýge jibergen bolatyn.
