«Balapan» telearnasyna kórshiles elder qyzǵýshylyq tanytyp otyr. Bul týraly Aqparat jáne qoǵamdyq damý vitse-ministri Daniiar Qadyrov málim etti, dep habarlaidy Baq.kz agenttigi.
Ol qazaq tildi kontenttiń damý úshin ulttyq sanany jańǵyrtý baǵdarlamalary boiynsha, «balalar álemi» degen joba sheńberinde birqatar i-shara júrip jatqanyn atap ótti.
"Bul jerdegi maqsat qazaq tilin tsifrlyq kontentke toltyrý bolyp otyr. Ózderińizge málim, YouTube jáne Tik-tok jelilerinde balalarǵa arnalǵan 12-den asa baǵdarlamalar shyǵyp jatyr. Sonymen birge «ertegi syr shertedi» degen joba bar. Jáne qundylyqtaryn geimifikatsiialaý jobasy da bar. Qazirgi balalardyń smartfonǵa jaqyn ekenin bilesizder. Biz ol jerde de óz jumystarymyzdy júrgizip jatyrmyz", - dedi Daniiar Qadyrov.
Onyń aitýynsha, elimizde eń suranysy joǵary arna - Balapan.
"Qazir sheteldik naryqqa shyǵaiyn dep jatyrmyz. Jaqyn jerdegi kórshiles elder onyń ishinde Ázerbaijan men Túrkiia eli qyzǵýshylyq tanytyp otyr. Múmkindik bolsa bizdiń kontent ol jaqqa da barady. Bizdiń Nickelodeon jáne TiJi arnalaryniń qazaqsha aýdarǵan sebebimiz osy Balapan arnasymen básekeni arttyrý. Sonyń arqasynda kompaniialar óz ishinde aýqymdy ister atqaratyn bolady", - dep atap ótti vitse-ministr.
