Elordada tisin emdetken balany es-tússiz halge túsirgen emhana jabylatyn bolady. Bul týraly QR Densaýlyq saqtaý ministrligi Taýarlar men qyzmetterdiń sapasy men qaýipsizdigin baqylaý komiteti tóraǵasynyń orynbasary Laýra Ahmetniiazova aitty, dep habarlaidy QazAqparat.
«Tekserý barysynda dári-dármekter men meditsinalyq buiymdardy saqtaý talaptarynyń buzylǵandyǵy anyqtaldy. Atap aitqanda, dári-dármekterdi saqtaýǵa arnalǵan qoima temperatýrany, aýa ylǵaldylyǵyn baqylaýǵa arnalǵan jabdyqtarmen qamtamasyz etilmegen. Dári-dármektiń keri áserine monitoring jasaý jónindegi jaýapty tulǵa bekitilmegen. Atalǵan klinikada qoldanylatyn meditsinalyq jabdyqtardy tekserý týraly sertifikat joq», - dedi ol.
Onyń atap ótýinshe, tekserý qorytyndysy boiynsha, anyqtalǵan zańbuzýshylyqtardy joiý týraly uiǵarym berilip, materialdar Nur-Sultan qalalyq Politsiia departamentine meditsinalyq qyzmetkerlerdiń áreketterine quqyqtyq baǵa berý úshin jóneltilgen.
«Sonymen qatar biz sot organdaryna atalǵan klinikanyń jumysyn toqtatý týraly talap ótinish daiyndap jatyrmyz. Sebebi mundai jaǵdai 2018 jyldyń qarashasynda jáne 2019 jyldyń mamyrynda osy klinikada anyqtalǵan edi. Sol kezde anesteziologiialyq-reanimatsiialyq kómek kórsetý standarttary saqtalmaǵandyǵy, dárigerlerde sertifikattyń joqtyǵy anyqtalǵan bolatyn. Osyǵan orai buzýshylyqtardyń júieliligin eskere kele sot organdaryna atalǵan klinikanyń qyzmetin toqtatý týraly material daiyndaimyz», - dedi Laýra Ahmetniiazova.
