Mamandandyrylǵan joǵary sport sheberligi mektebiniń direktory Serik Baitursynov kaz.tengrinews.kz tilshisine Riodaǵy Olimpiada oiyndarynda jeńiske jetken qazaqstandyq júzýshi Dmitrii Balandin jaily aityp berdi.
"Jigit áli jas. Jasy 21-de. Ol barlyq ýaqyt boiy eńbek etip keldi. Basseinnen basqa eshnárseni kórmedi. Sodan men oǵan mynadai suraq qoidym: "Sen Parijde bolyp ediń ǵoi? Parij qandai eken aityp bershi?". Sonda ol maǵan "Biz tek basseinde boldyq. Basseinnen keshke qarai bir-aq shyǵyp, úige kesh qaitatynbyz". Bul bala eńbekqorlyǵy men daryny arqyly osyndai jeńiske jetip otyr. Basseinde kúnde segiz saǵattan júrdi. Odan keiin teoriiasy bar, zaldaǵy tehnikasy bar. Búginde ol Qazaqstan men QazKSR tarihynda júzýden tuńǵysh Olimpiada chempiony atanyp otyr", - dedi mektep direktory.
Onyń aitýynsha, Dmitrii kásibi júzýmen altynshy synyptan bastap ainalysty. Onyń tuńǵysh bapkeri Marina Dilmýdinova bolǵan. Bapker júzýge qatysqysy kelgen kishkentai balanyń boiyndaǵy talantty baiqai alǵan. Keiinnen Balandin QR eńbegi singen Aleksei Kazakov esimdi bapkerdiń qol astynda boldy. Aleksei Kazakov ony Riodaǵy Olimpiadalarǵa deiin daiyndap kelgen. Sondai-aq, Dmitrii sportpen ainalysatyn daryndy balalarǵa arnalǵan mamandandyrylǵan mektepte 2008 jyldan 2013 jylǵa deiin oqyǵan. Keiinnen ol mamandandyrylǵan joǵary sport sheberligi mektebine túsedi. Aita keteiik, Dmitrii Balandinniń boiy 2 metr 5 santimetr eken.
"Dmitrii óte qarapaiym, salmaqty jigit. Ol únemi sypaiylyǵy men ádeptiligimen erekshelendi", - dedi mekteptiń ádiskeri Galina Tertýs. Onyń aitýynsha, Rioǵa deiin Balandin basqa da jarystarda júldeli oryndardy ielengen. Sonymen qatar, ol Aziia oiyndarynyń chempiony, 2013 jyly ótken Aziia chempionatynyń eki dúrkin jeńimpazy eken.
"Men úshin sońyna deiin jankúier bolyp, sengen Qazaqstanǵa alǵys aitamyn. Bizdi Olimpiadada qoldaǵandaryńyz úshin alǵys aitamyn. Bul shyn máninde óte qiyn. Teledidar aldynda muny sizder sezbeisizder. Biraq el uiyqtap jatqanda osyndai sátte jarysqa shyǵý óte qiyn. Eldi qýantý úshin janyńdy salý", - dedi Olimpiada chempiony jeńisinen keiin.
© REUTERS
Osylaisha Balandin Qazaqstan tarihynda tuńǵysh ret júzýden Olimpiada chempiony atandy. Balandin 2:07.46 ýaqyt nátijesimen finalda sensatsiia jasap, Qazaqstan tarihynda júzý sportynan tuńǵysh ret Olimpiada chempiony atanyp otyr. Sonymen qatar, Balandinniń sensatsiialyq jeńisiniń videosy jariia boldy.
