مامانداندىرىلعان جوعارى سپورت شەبەرلٸگٸ مەكتەبٸنٸڭ ديرەكتورى سەرٸك بايتۇرسىنوۆ kaz.tengrinews.kz تٸلشٸسٸنە ريوداعى وليمپيادا ويىندارىندا جەڭٸسكە جەتكەن قازاقستاندىق جٷزۋشٸ دميتريي بالاندين جايلى ايتىپ بەردٸ.
"جٸگٸت ەلٸ جاس. جاسى 21-دە. ول بارلىق ۋاقىت بويى ەڭبەك ەتٸپ كەلدٸ. باسسەيننەن باسقا ەشنەرسەنٸ كٶرمەدٸ. سودان مەن وعان مىناداي سۇراق قويدىم: "سەن پاريجدە بولىپ ەدٸڭ عوي? پاريج قانداي ەكەن ايتىپ بەرشٸ?". سوندا ول ماعان "بٸز تەك باسسەيندە بولدىق. باسسەيننەن كەشكە قاراي بٸر-اق شىعىپ, ٷيگە كەش قايتاتىنبىز". بۇل بالا ەڭبەكقورلىعى مەن دارىنى ارقىلى وسىنداي جەڭٸسكە جەتٸپ وتىر. باسسەيندە كٷندە سەگٸز ساعاتتان جٷردٸ. ودان كەيٸن تەوريياسى بار, زالداعى تەحنيكاسى بار. بٷگٸندە ول قازاقستان مەن قازكسر تاريحىندا جٷزۋدەن تۇڭعىش وليمپيادا چەمپيونى اتانىپ وتىر", - دەدٸ مەكتەپ ديرەكتورى.
ونىڭ ايتۋىنشا, دميتريي كەسٸبي جٷزۋمەن التىنشى سىنىپتان باستاپ اينالىستى. ونىڭ تۇڭعىش باپكەرٸ مارينا ديلمۋدينوۆا بولعان. باپكەر جٷزۋگە قاتىسقىسى كەلگەن كٸشكەنتاي بالانىڭ بويىنداعى تالانتتى بايقاي العان. كەيٸننەن بالاندين قر ەڭبەگٸ سٸنگەن الەكسەي كازاكوۆ ەسٸمدٸ باپكەردٸڭ قول استىندا بولدى. الەكسەي كازاكوۆ ونى ريوداعى وليمپيادالارعا دەيٸن دايىنداپ كەلگەن. سونداي-اق, دميتريي سپورتپەن اينالىساتىن دارىندى بالالارعا ارنالعان مامانداندىرىلعان مەكتەپتە 2008 جىلدان 2013 جىلعا دەيٸن وقىعان. كەيٸننەن ول مامانداندىرىلعان جوعارى سپورت شەبەرلٸگٸ مەكتەبٸنە تٷسەدٸ. ايتا كەتەيٸك, دميتريي بالانديننٸڭ بويى 2 مەتر 5 سانتيمەتر ەكەن.
"دميتريي ٶتە قاراپايىم, سالماقتى جٸگٸت. ول ٷنەمٸ سىپايىلىعى مەن ەدەپتٸلٸگٸمەن ەرەكشەلەندٸ", - دەدٸ مەكتەپتٸڭ ەدٸسكەرٸ گالينا تەرتۋس. ونىڭ ايتۋىنشا, ريوعا دەيٸن بالاندين باسقا دا جارىستاردا جٷلدەلٸ ورىنداردى يەلەنگەن. سونىمەن قاتار, ول ازييا ويىندارىنىڭ چەمپيونى, 2013 جىلى ٶتكەن ازييا چەمپيوناتىنىڭ ەكٸ دٷركٸن جەڭٸمپازى ەكەن.
"مەن ٷشٸن سوڭىنا دەيٸن جانكٷيەر بولىپ, سەنگەن قازاقستانعا العىس ايتامىن. بٸزدٸ وليمپيادادا قولداعاندارىڭىز ٷشٸن العىس ايتامىن. بۇل شىن مەنٸندە ٶتە قيىن. تەلەديدار الدىندا مۇنى سٸزدەر سەزبەيسٸزدەر. بٸراق ەل ۇيىقتاپ جاتقاندا وسىنداي سەتتە جارىسقا شىعۋ ٶتە قيىن. ەلدٸ قۋانتۋ ٷشٸن جانىڭدى سالۋ", - دەدٸ وليمپيادا چەمپيونى جەڭٸسٸنەن كەيٸن.
© REUTERS
وسىلايشا بالاندين قازاقستان تاريحىندا تۇڭعىش رەت جٷزۋدەن وليمپيادا چەمپيونى اتاندى. بالاندين 2:07.46 ۋاقىت نەتيجەسٸمەن فينالدا سەنساتسييا جاساپ, قازاقستان تاريحىندا جٷزۋ سپورتىنان تۇڭعىش رەت وليمپيادا چەمپيونى اتانىپ وتىر. سونىمەن قاتار, بالانديننٸڭ سەنساتسييالىق جەڭٸسٸنٸڭ ۆيدەوسى جارييا بولدى.
