Foto: Astana qalasynyń ákimdigi, @gov.kz
Astanalyq ata-analar balalaryn mektepke berý úshin tań atpai Altynsarin atyndaǵy Binom mektebiniń aldyna jinaldy. Qazir shamamen 500 adam mekeme aldynda tur, dep habarlady Sputnik Qazaqstan saity.
Elorda turǵyndary mektep janyndaǵy kórshi úilerde turatynyna qaramastan, bilim ordasyna qabyldaný úshin rezervke ǵana qoiylǵanyn aityp shaǵymdandy.
"Bizdi tek rezervke jazdy, mekteptiń janynda úiimiz bolsa da bizdi qabyldamaidy. Munda 500-den astam oqýshynyń ata-anasy mektepke qabyldaný úshin kelip tur", - dep túsindirdi Altynai esimdi ata-ana.
Onyń aitýynsha, oqý quny 200 myń teńge bolatyn mektepter balalardy qabyldaýǵa daiyn. Ondai qarajatty ata-analardyń báriniń qaltasy kótere bermeidi.
Buǵan deiin 2023-2024 oqý jylyna Astanadaǵy alty birdei Binom mektebiniń birinshi synyp oqýshylary úshin qazaq tilinde oqytatyn synyptarǵa 1 225 oryn jáne orys tilinde oqytatyn synyptarǵa 425 oryn qarastyrylǵan dep aitylǵan bolatyn.
Al Bilim Land JShS saityn ázirleýshiniń aitýynsha, portal jumysynda problema bolǵan, iaǵni tehnikalyq másele týyndaǵan.
Bilim ministrliginiń málimetinshe, jalpy jańa oqý jylynda birinshi synypqa 400 myńnan astam qazaqstandyq bala barady.
video: Sputnik Qazaqstan Telegram-kanaly
