Bala týa salysymen onymen sóilese almaitynyń anyq. Tipti, túnde durys uiyqtamaityn balany baǵamyn dep ózińde de ál bolmaidy. Bala óse kele olar áńgimege jaýap bere bastaidy. Degenmen, zertteýler kórsetkendei, keibir ata-ana balalarymen múldem sóilespeidi jáne onyń uzaqmerzimdi keri áseri óte kóp, - dep jazady VVS.
Avtordyń aitýynsha, adamnyń bolashaǵyna kóp áser etetin negizgi faktordyń biri – til. Al kóptegen neirobiologtardyń zertteýleri bala tiliniń shyǵýy midyń damýyna jaqsy áser etetinin kórsetken edi.
«Neirobiologtar bala sóilei almasa da, oǵan til qatýdyń paidaly ekenin anyqtady. Ata-anasy kóp áńgime aitqan balalardyń oi qabiletteri joǵary deńgeide bolady. Iaǵni, passivti tyńdaý da balaǵa jaqsy áser etedi. Midyń áleýmettik jáne tildik qatynastarǵa jaýap beretin bóligi balalardyń ata-anasymen qatynasyna bailanysty bolady. Ata-anasy balasyna qarap sóilegende tildik qabiletter damidy jáne dúnietanym deńgeii artady», deidi ǵalymdar.
Sonymen qatar, ǵalymdar ata-anasy sóilesý úshin balasyna ýaqyt bólgen balalardyń til bailyǵy jaqsy bolatynyn da anyqtaǵan.
«Eresekter kúndelikti kúibeń tirlik pen kúizelisten balalarmen sóilesýge az ýaqyt bóledi. Degenmen, bizdiń balalarmen qalai sóilesetinimiz, olardy qalai tyńdaitynymyz olardyń miynyń damýyna jaqsy áser etedi», delingen maqalada.
