Biyl jazǵy demalys kezinde eldegi 1,8 millionnan astam bala saýyqtyrý lagerlerinde demalǵan, dep habarlaidy QazAqparat.
Bul týraly QR Premer-Ministri Asqar Mamin Senat ókilderiniń depýtattyq saýalyna bergen jaýabynda aitty.
«Balalardyń saýyqtyrý demalysyn qamtamasyz etý úshin «2020-2023 jyldardyń kanikýl kezeńinde balalardyń saýyqtyrý demalysyn, bos ýaqytyn jáne jumyspen qamtylýyn uiymdastyrý týraly» Qazaqstan Respýblikasy Premer-Ministriniń 2020 jylǵy 14 qańtardaǵy №1-ókimi qabyldandy», - dep jazylǵan úkimet basshysynyń jaýabynda.
Onyń aitýynsha, biyl jazda demalyspen jáne saýyqtyrýmen 1 863 228 bala qamtylǵan.
Onyń ishinde «Baldáýren» respýblikalyq oqý-saýyqtyrý ortalyǵynda jyl saiyn 15 myńnan astam oqýshy demalyp, ońaltýdan ótedi.
«2021-2024 jyldarǵa arnalǵan respýblikalyq biýdjette balalardy saýyqtyrý, ońaltý jáne olardyń demalysyn uiymdastyrý úshin 4,4 mlrd teńge qarastyrylǵan. Balalardyń demalysyn, jumyspen qamtylýyn, saýyqtyrý jáne ońaltý sharalarymen qamtamasyz etý máseleleri Úkimettiń turaqty baqylaýynda», - dep túiindedi Asqar Mamin.
