Búgin Úkimet otyrysynda QR Premer-Ministri Baqytjan Saǵyntaev balalar demalysyn uiymdastyrýǵa jetkilikti deńgeide kóńil bólýdi barlyq ákimderge tapsyrdy, dep habarlaidy QazAqparat tilshisi.
«Barlyq óńirde balalardyń demalysyn uiymdastyrýǵa jetkilikti kóńil bólinsin. Ákimder, Ishki ister jáne Densaýlyq saqtaý ministrlikteri balalardyń qaýipsizdigin qamtamasyz etetin bolsyn. Bul - óte kúrdeli másele. Ministr de byltyrǵy maýsymda qansha balanyń sýǵa ketkenin aityp ótti. Sonymen qatar balalar lagerleriniń jumysyna qoǵamdyq monitoringti kúsheitý qajet. Erlan Kenjeǵaliuly ákimdiktermen birge bul sharýany qadaǵalaýyńyzdy suraimyn», - dedi Baqytjan Saǵyntaev Bilim jáne ǵylym ministri Saǵadievke qarata.
Úkimet otyrynda balalardyń jazǵy demalysyn uiymdastyrý máselesi boiynsha baiandama jasaǵan Erlan Saǵadievtiń dereginshe, biyl 2 mln 815 myń 1-10 synyp oqýshylarynyń 2 mln 600 myńy nemese 92 paiyzy lagerlerde demalatyn bolady.
