Elimizde balalardy týberkýlezge qarsy egý jumystary 2-3 aiǵa keshigýi múmkin, dep habarlaidy QazAqparat.
Bul týraly Ortalyq kommýnikatsiialar qyzmetinde ótken brifingte «SQ-Farmatsiia» JShS basqarma tóraǵasynyń mindetin atqarýshy Berik Shárip málim etti.
«Qazaqstanda jyl saiyn týberkýlezge qarsy 370 myńnan astam jańa týǵan náreste men 230 myńnan astam 6-7 jastaǵy bala egiledi. Ótken kezeńde barlyǵy 700 myń bala egilgen bolatyn. Sońǵy 14 jylda japoniialyq Japan BCG Laboratory kompaniiasynyń ekpesi qoldanylyp kelgen. Atalmysh kompaniia biylǵy jibergen ekpeniń 33 seriiasyn 35 elden qaitaryp alýyna bailanysty Qazaqstanda týberkýlezge qarsy ekpe jumystary ýaqytsha toqtatylady» - degen Berik Shárip onyń japoniialyq ekpe ornyna Úndistannan Serum atty ekpe ákelý boiynsha kelissóz júrip jatqanyn jetkizdi.
«Qazir QR Densaýlyq saqtaý ministrliginiń tiisti kelissózder júrgizip jatyr. Ony Úndistannan Qazaqstanǵa jetkizgenshe 2-3 ai ýaqyt ketedi. Osy kezeńge deiin týberkýlezge qarsy ekpe jumystary toqtatyla turady», - dedi ol.
QR Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraiymy Liýdmila Buirabekova buǵan deiin japoniialyq ekpeni saldyrǵan balalar úshin alańdaýǵa esh negiz joq ekenin qosty.
«Japoniialyq kompaniia biyl shyǵarǵan 90 myń partiianyń 3 qutysynan ǵana bógde zat tapqan. Onyń ózinde ekpeniń ózinen emes, eritkishten tyǵynnyń bólshegi shyqqan. Japoniia sol sebepti búkil partiiany qaitaryp alyp jatyr. Sondyqtan buǵan deiin egilgen vaktsinalardyń bala densaýlyǵyna qaýip tóndirýi múmkin emes», - dedi komitet basshysy.
