ەلٸمٸزدە بالالاردى تۋبەركۋلەزگە قارسى ەگۋ جۇمىستارى 2-3 ايعا كەشٸگۋٸ مٷمكٸن, دەپ حابارلايدى قازاقپارات.
بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە «سق-فارماتسييا» جشس باسقارما تٶراعاسىنىڭ مٸندەتٸن اتقارۋشى بەرٸك شەرٸپ مەلٸم ەتتٸ.
«قازاقستاندا جىل سايىن تۋبەركۋلەزگە قارسى 370 مىڭنان استام جاڭا تۋعان نەرەستە مەن 230 مىڭنان استام 6-7 جاستاعى بالا ەگٸلەدٸ. ٶتكەن كەزەڭدە بارلىعى 700 مىڭ بالا ەگٸلگەن بولاتىن. سوڭعى 14 جىلدا جاپونييالىق Japan BCG Laboratory كومپانيياسىنىڭ ەكپەسٸ قولدانىلىپ كەلگەن. اتالمىش كومپانييا بيىلعى جٸبەرگەن ەكپەنٸڭ 33 سەريياسىن 35 ەلدەن قايتارىپ الۋىنا بايلانىستى قازاقستاندا تۋبەركۋلەزگە قارسى ەكپە جۇمىستارى ۋاقىتشا توقتاتىلادى» - دەگەن بەرٸك شەرٸپ ونىڭ جاپونييالىق ەكپە ورنىنا ٷندٸستاننان Serum اتتى ەكپە ەكەلۋ بويىنشا كەلٸسسٶز جٷرٸپ جاتقانىن جەتكٸزدٸ.
«قازٸر قر دەنساۋلىق ساقتاۋ مينيسترلٸگٸنٸڭ تيٸستٸ كەلٸسسٶزدەر جٷرگٸزٸپ جاتىر. ونى ٷندٸستاننان قازاقستانعا جەتكٸزگەنشە 2-3 اي ۋاقىت كەتەدٸ. وسى كەزەڭگە دەيٸن تۋبەركۋلەزگە قارسى ەكپە جۇمىستارى توقتاتىلا تۇرادى», - دەدٸ ول.
قر تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶرايىمى ليۋدميلا بۇيرابەكوۆا بۇعان دەيٸن جاپونييالىق ەكپەنٸ سالدىرعان بالالار ٷشٸن الاڭداۋعا ەش نەگٸز جوق ەكەنٸن قوستى.
«جاپونييالىق كومپانييا بيىل شىعارعان 90 مىڭ پارتييانىڭ 3 قۇتىسىنان عانا بٶگدە زات تاپقان. ونىڭ ٶزٸندە ەكپەنٸڭ ٶزٸنەن ەمەس, ەرٸتكٸشتەن تىعىننىڭ بٶلشەگٸ شىققان. جاپونييا سول سەبەپتٸ بٷكٸل پارتييانى قايتارىپ الىپ جاتىر. سوندىقتان بۇعان دەيٸن ەگٸلگەن ۆاكتسينالاردىڭ بالا دەنساۋلىعىنا قاۋٸپ تٶندٸرۋٸ مٷمكٸن ەمەس», - دەدٸ كوميتەت باسشىسى.
