Qazaqstandyqtar áleýmettik jelilerde mektep avtobýstaryn satyp alý týraly jańalyqty talqylap jatyr. Kei paidalanýshylardyń pikirinshe, kólik ata-anasynyń kelisiminsiz balalardy evakýatsiialaý úshin paidalanylmaq. Bul - jalǵan, dep habarlaidy Stopfake.kz.
Jeńildetilgen sharttarmen 515 mektep avtobýsyn satyp alý týraly Indýstriia jáne infraqurylymdyq damý ministri Beibit Atamqulov biy maýsym aiynyń sońynda málim etken bolatyn.
Biraq bul habardy estigende ata-analardyń bári birdei qýanǵan joq.
Instagram-da keibiri «bul avtobýstar balalardy sabaqtan alyp ketý úshin qajet, al ata-anaǵa balasynyń qaida ekeni aitylmaidy. Bul olardy COVID-19 qarsy vaktsina alýǵa májbúrleý úshin jasalady» degen pikir bildirdi.
QR Bilim jáne ǵylym ministrligi bul boljamdardy joqqa shyǵardy. Vedomstvo ókilderi keibir balalarǵa mektepke jetý qiyn bolǵandyqtan jańa avtobýstar satyp alý qajettilikten týyndaǵanyn habarlady.
– Balalardyń qaýipsizdigi balalardy mektepke jáne úige tegin tasymaldaý arqyly qamtamasyz etiledi. Buǵan 21 myńnan astam bilim alýshy muqtaj, olar úshin 758 avtokólik tasymaly qamtamasyz etilgen. Sońǵy úsh jylda avtobýs parki 203 kólikke jańartyldy. Búgingi tańda avtokólik satyp alý qajettiligi áli de saqtalyp otyr. Bul máseleni sheshý úshin mektepterdi avtobýstarmen qamtamasyz etý jónindegi Jol kartasy aiasynda avtobýs parkin jańartý josparlanǵan, – dep habarlady QR BǴM baspasóz qyzmetinen.
Sondai-aq, mektep avtobýstary balalardy mektepke jáne mektepten úige jetkizý úshin ǵana paidalanylmaq. Kólikti basqa maqsattarda paidalaný josparda joq.
Demek, elimizde ata-analardy vaktsinatsiiaǵa májbúrleý maqsatynda balalardy mektepten jasyryn túrde áketý úshin mektep avtobýstary satyp alynatyny týraly pikirler negizsiz jáne shyndyqqa janaspaidy.
