Aqmola oblysynda jyl boiy jumys isteitin tildik lagerde demalyp júrgen birneshe bala taǵamnan ýlaný belgilerimen aýrýhanaǵa tústi. Oqiǵaǵa bailanysty qylmystyq is qozǵalyp, lagerde tekserý bastaldy, dep habarlaidy ult.kz.
Oblystyq densaýlyq saqtaý basqarmasynyń málimetinshe, 1 shilde kúni Birjan sal aýdandyq aýrýhanasyna alty bala jetkizilgen. Dárigerlik tekserýden keiin olardyń ekeýi ambýlatoriialyq em alýǵa jiberilse, qalǵan tórt qyz oblystyq kópsalaly balalar aýrýhanasynyń juqpaly aýrýlar bólimine jatqyzylǵan. Olardyń ekeýi – 8 jasta, qalǵan ekeýi – 12 jasta.
Balalarda qusý, dene qyzýynyń kóterilýi jáne ish ótý belgileri baiqalǵan. Dárigerlerdiń aitýynsha, qazirgi ýaqytta barlyq naýqastyń jaǵdaiy turaqty, em qabyldap jatyr. Mamandar bakteriologiialyq zertteý nátijelerin kútip otyr. Balalardyń jaǵdaiyna qarai tamaqtaný tártibi de birtindep qalpyna keltirilýde.
Oqiǵaǵa bailanysty sanitariialyq-epidemiologiialyq qyzmet epidemiologiialyq tekserý júrgizýde. Mamandar daiyn taǵamnan, aýyz sýdan jáne lager aýmaǵyndaǵy túrli betterden synamalar alyp, qyzmetkerlerdi ishek infektsiialaryn tasymaldaýshylyqqa tekserip jatyr.
Jappai ýlaný deregi boiynsha politsiia qylmystyq is qozǵady. Qazirgi ýaqytta lagerde jan-jaqty tekserý jalǵasýda.
