Foto: caravan.kz
Qazaqstan Prezidenti Qasym-Jomart Toqaevtyń balalar men jasóspirimderdiń kitap oqýy men otandyq balalar ádebietin qoldaýǵa baǵyttalǵan bastamalary aiasynda Qazaqstan Jazýshylar odaǵy men «Órken» qoǵamdyq qory «Almatynyń jas jazýshysy – 25» baiqaýyn uiymdastyrdy, dep habarlaidy Ult.kz.
Bul bastama 2025 jylǵy 23 sáýir – Ulttyq kitap kúnine orai alǵash ret Almaty qalasynda ótkizildi. Endi baiqaý respýblikalyq deńgeide uiymdastyrylyp, «Qazaqstannyń jas jazýshysy» ataýymen turaqty túrde ótkiziletin boldy.
Jazýshylar odaǵy Hatshylyǵynyń sheshimimen baiqaýdy qoldaýǵa jáne balalar ádebietin damytýǵa arnalǵan birqatar naqty sharalar bekitildi:
Baiqaý eki kezeńde ótedi:
-
I kezeń – 2026 jylǵy qańtar–naýryz aralyǵynda oblystar men respýblikalyq mańyzy bar qalalarda ótedi. Qorytyndysy – 22 naýryz, Naýryz meiramynda jariialanady.
-
II kezeń – respýblikalyq deńgeide ótkizilip, 23 sáýir – Ulttyq kitap kúni marapattaý rásimi Astanada uiymdastyrylady.
Negizgi sharalar men bastamalar:
-
Balalar ádebietin damytýǵa baǵyttalǵan jumys jospary men arnaiy komissiia quryldy.
-
Balalarǵa arnalǵan aýdiokitaptar, animatsiia, mýltfilmder jáne derekti filmder ázirlenedi.
-
Respýblikalyq telearnada balalar ádebietin nasihattaityn arnaiy baǵdarlama jasalady.
-
«Ertóstik» atty halyqaralyq ádebi syilyq taǵaiyndalady.
-
«Jazýshylar odaǵy músheligine úmitker» mártebesi engiziledi.
-
«Úzdik balalar jazýshysy» atty jańa jyl saiynǵy marapat rásimi ótedi.
-
Baiqaý jeńimpazdarynyń eńbekteri baspasózde jariialanyp, oblys ákimdikteri tarapynan marapattalady.
Jas qalamgerlerge qoldaý kórsetý arqyly elimizde balalar men jasóspirimderge arnalǵan ádebietti damytý kózdelýde. Bul bastama el ishinde ǵana emes, halyqaralyq deńgeide de tanylatyn jańa býyn jazýshylaryn qalyptastyrýǵa múmkindik beredi.
Jazýshylar odaǵynyń resmi saitynda baiqaý týraly tolyq aqparat pen jumys barysy jariialanyp otyrady. Sonymen qatar, demeýshiler tartý jumysy da júieli júrgizilmek.
