بالالار ەدەبيەتٸ دامي تٷسپەك: جازۋشىلار وداعى رەسپۋبليكالىق بايقاۋ ٶتكٸزەدٸ

فوتو: caravan.kz

قازاقستان پرەزيدەنتٸ قاسىم-جومارت توقاەۆتىڭ بالالار مەن جاسٶسپٸرٸمدەردٸڭ كٸتاپ وقۋى مەن وتاندىق بالالار ەدەبيەتٸن قولداۋعا باعىتتالعان باستامالارى اياسىندا قازاقستان جازۋشىلار وداعى مەن «ٶركەن» قوعامدىق قورى «الماتىنىڭ جاس جازۋشىسى – 25» بايقاۋىن ۇيىمداستىردى, دەپ حابارلايدى Ult.kz.

بۇل باستاما 2025 جىلعى 23 سەۋٸر – ۇلتتىق كٸتاپ كٷنٸنە وراي العاش رەت الماتى قالاسىندا ٶتكٸزٸلدٸ. ەندٸ بايقاۋ رەسپۋبليكالىق دەڭگەيدە ۇيىمداستىرىلىپ, «قازاقستاننىڭ جاس جازۋشىسى» اتاۋىمەن تۇراقتى تٷردە ٶتكٸزٸلەتٸن بولدى.

جازۋشىلار وداعى حاتشىلىعىنىڭ شەشٸمٸمەن بايقاۋدى قولداۋعا جەنە بالالار ەدەبيەتٸن دامىتۋعا ارنالعان بٸرقاتار ناقتى شارالار بەكٸتٸلدٸ:

بايقاۋ ەكٸ كەزەڭدە ٶتەدٸ:

• I كەزەڭ – 2026 جىلعى قاڭتار–ناۋرىز ارالىعىندا وبلىستار مەن رەسپۋبليكالىق ماڭىزى بار قالالاردا ٶتەدٸ. قورىتىندىسى – 22 ناۋرىز, ناۋرىز مەيرامىندا جارييالانادى.

• II كەزەڭ – رەسپۋبليكالىق دەڭگەيدە ٶتكٸزٸلٸپ, 23 سەۋٸر – ۇلتتىق كٸتاپ كٷنٸ ماراپاتتاۋ رەسٸمٸ استانادا ۇيىمداستىرىلادى.

نەگٸزگٸ شارالار مەن باستامالار:

• بالالار ەدەبيەتٸن دامىتۋعا باعىتتالعان جۇمىس جوسپارى مەن ارنايى كوميسسييا قۇرىلدى.

• بالالارعا ارنالعان اۋديوكٸتاپتار, انيماتسييا, مۋلتفيلمدەر جەنە دەرەكتٸ فيلمدەر ەزٸرلەنەدٸ.

• رەسپۋبليكالىق تەلەارنادا بالالار ەدەبيەتٸن ناسيحاتتايتىن ارنايى باعدارلاما جاسالادى.

• «ەرتٶستٸك» اتتى حالىقارالىق ەدەبي سىيلىق تاعايىندالادى.

• «جازۋشىلار وداعى مٷشەلٸگٸنە ٷمٸتكەر» مەرتەبەسٸ ەنگٸزٸلەدٸ.

• «ٷزدٸك بالالار جازۋشىسى» اتتى جاڭا جىل سايىنعى ماراپات رەسٸمٸ ٶتەدٸ.

• بايقاۋ جەڭٸمپازدارىنىڭ ەڭبەكتەرٸ باسپاسٶزدە جارييالانىپ, وبلىس ەكٸمدٸكتەرٸ تاراپىنان ماراپاتتالادى.

جاس قالامگەرلەرگە قولداۋ كٶرسەتۋ ارقىلى ەلٸمٸزدە بالالار مەن جاسٶسپٸرٸمدەرگە ارنالعان ەدەبيەتتٸ دامىتۋ كٶزدەلۋدە. بۇل باستاما ەل ٸشٸندە عانا ەمەس, حالىقارالىق دەڭگەيدە دە تانىلاتىن جاڭا بۋىن جازۋشىلارىن قالىپتاستىرۋعا مٷمكٸندٸك بەرەدٸ.

جازۋشىلار وداعىنىڭ رەسمي سايتىندا بايقاۋ تۋرالى تولىق اقپارات پەن جۇمىس بارىسى جارييالانىپ وتىرادى. سونىمەن قاتار, دەمەۋشٸلەر تارتۋ جۇمىسى دا جٷيەلٸ جٷرگٸزٸلمەك.