Balabaqshaǵa memlekettik tapsyrysty ornalastyrý quqyǵy ata-anaǵa beriledi. Bul jaiynda QR Premer-Ministri Asqar Maminniń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
«Qazirgi ýaqytta 10 583 mektepke deiingi uiym, onyń ishinde jekemenshik 3 809 balabaqsha (36 paiyz) jumys isteidi. Bul 2018 jyldyń kórsetkishimen salystyrǵanda 520 birlikke kóp jáne ol jekemenshik mektepke deiingi uiymdar jelisiniń artqandyǵyn dáleldeidi. Mektepke deiingi uiymdarmen 892,2 myń bala, oynń ishinde jekemenshik balabaqshamen 351,1 myń bala qamtylǵan. Memlekettik baǵdarlamaǵa sáikes, bilim berýdiń barlyq deńgeiine, onyń ishinde mektepke deiingi tárbie men bilim deńgeiine arnalǵan bilim berý qyzmetterin tikelei alýshylardyń derbestendirilgen qarjylandyrýǵa kóshirý kózdelgen», - dep atap ótedi Úkimet basshysy
Premer-Ministrdiń aitýynsha, osyǵan orai Bilim jáne ǵylym ministrligi Memlekettik tapsyrys ornalastyrý erejesine ózgertýler men tolyqtyrýlar engizý jumysyn júrgizip jatyr.
«Atap aitqanda, mektepke deiingi uiymǵa memlekettik tapsyrys ornalastyrý týraly sheshim qabyldaý barysynda bul quqyqty ata-anaǵa berý josparlanǵan. Bul «ár balaǵa qarajat» printsipin júizege asyrýǵa múmkindik beredi», - dedi Asqar Mamin.
