Balabaqshada jańartylǵan mazmunmen jumys isteitin tárbieshige qosymsha aqy tólenedi. Bul týraly búgin QR Parlamenti Senatynyń depýtattarymen kezdesken Bilim jáne ǵylym ministri Erlan Saǵadiev aitty, dep habarlaidy "Ult aqparat".
Onyń aitýynsha, ministrlik mektepke deiingi bilimniń sapasyn kóterý boiynsha jol kartasyn daiyndaǵan. Onda birneshe usynys bar jáne qazirgi ýaqytta olar talqylaný ústinde.
«Birinshiden - biryńǵai biliktilik, muǵalimderge siiaqty ulttyq testileýdi engizý. Biyl 60 myń muǵalim bizge kelip, ulttyq testileýden ótti. 36 myń muǵalim joǵary baǵa alyp, jańa biliktilikke ie boldy. Sonymen ailyqtary 30-50 paiyzǵa deiin kóterilip otyr. Endi sonyń bárin tárbieshilerge usynyp otyrmyz», - dedi ol.
Nátijesinde ministrdiń sózine qaraǵanda, biryńǵai biliktiligin arttyryp, ulttyq testileýden ótken tárbieshilerdiń ailyqtary 30-50 paiyzǵa artatyn bolady.
«Ekinshiden, ministrlik barlyq tárbieshilerdi V3 bloktan V2 blokqa kóterý usynystaryn jáne esebin daiyndap otyr. Kelesi jyly ony memlekettik biýdjettik komissiiaǵa shyǵaratyn bolamyz. Úshinshiden, mektepterdegi siiaqty jańartylǵan mazmunmen jumys isteitin pedagogtarǵa qosymsha aqy tóleý qarastyrylady», - dedi Erlan Saǵadiev.
Sonymen qatar, QR Bilim jəne ǵylym ministri Erlan Saǵadiev jyl saiyn "tərbieshi" mamandyǵyn alǵan 9 myń bitirýshiniń 900-i, iaǵni 10 paiyzy ǵana balabaqshaǵa jumysqa baratynyn aitty.
"Elbasy qazan aiyndaǵy Joldaýynda mektepke deiingi bilim sapasyn kóterý mindetin qoidy. Osy jumysty tek qana tərbieshilerdiń mártebesi men sapasyn kóterýdiń arqasynda oryndaýǵa bolady. Búgingi tańda balabaqshalarda 55 myń tərbieshi jumys isteidi. Olardyń 45 paiyzynda tek qana "mektepke deiingi bilim" mamandyǵy bar. "Tərbieshi" mamandyǵy boiynsha respýblikada 36 kolledjde, 37 JOO-da mamandar daiyndalady. Jyl saiyn osy mamandyq boiynsha granttar kóbeiip keledi. Mysaly, 2017 jyly JOO-ǵa 270 grant bólinse, 2018 jyly 500 grant bólip otyrmyz. Iaǵni, granttardyń sany eki ese ósip otyr", - dedi Saǵadiev Senattaǵy jiynda.
Ministrdiń aitýynsha, 2017 jyly kolledjderge 5560 grant bólinse, 2018 jyly 7200 grant bólingen.
"Osyǵan qaramastan jyl saiyn 9 myń bitirýshiniń 900-i ǵana balabaqshaǵa jumysqa keledi. 10 paiyz bul óte az. Bilimdi mamandar əri qarai balabaqshalarǵa barmai, magistratýraǵa, basqa mamandyqqa nemese jalaqysy joǵary jumysqa ornalasady. Onyń bərin bilemiz, túsinemiz. Osy úlken məseleni sheshý kerek. Tərbieshilerdiń ailyqtaryn kóterip, jańa biryńǵai testileý júiesin, jańa kvalifikatsiia engizý qajet. Qazir ministrlik mamandardy balabaqshaǵa tartý úshin sharalar qabyldap jatyr", - dedi Erlan Saǵadiev.
Eske salsaq, Memleket basshysynyń biylǵy Joldaýy mektepke deiingi bilim berý júiesi aldyna eleýli mindetter qoidy.
