Foto: Polisia.kz
Túrkistan oblysy Keles aýdanynda 4 balabaqshanyń tárbieshilerine qatysty qylmystyq is qozǵaldy, dep habarlaidy "Ult aqparat" 24KZ-ke silteme jasap.
Mektepke deiingi bilim berý uiymynyń qyzmetkerlerine balalardy uryp-soqty degen aiyp taǵyldy. Tiisti saraptamalar taǵaiyndalyp, kúdiktilerdiń isi sotqa jiberildi. Bul týraly aýdan prokýrorlary málimdedi.
Qazir óńirdegi bilim jáne tárbie berý uiymdarynda balalardyń qaýipsizdigine qatysty tekseris júrip jatyr. Arnaiy qurylǵan komissiia órt qaýipsizdigi, sanitariialyq talaptardyń oryndalýy men tamaqtyń sapasyn tekseredi.
"Bul jerde tek qana balalardy uryp-soǵý emes, olarda qarjynyń jumsalýy bar. Jalpy aitqanda balabaqshada bala quqyǵynyń saqtalýyna tolyq kózimiz jetýi úshin barlyq is-sharany jasap jatyrmyz. Qazir 97 balabaqshanyń altaýy ǵana tekserildi. Bul tekserýdi taǵy 20 kúnde aiaqtaýymyz kerek. 3 top qurylǵan. Barlyǵyna mamandar bólindi. Tekserý jumystary júrip jatyr", - deidi Keles aýdanynyń prokýrory Nurlan Eshenqulov.
