Almaty ákimi Baqytjan Saǵyntaev Memleket basshysy Qasym-Jomart Toqaevtan 124 jer ýchaskesin satyp alýǵa 9,4 mlrd teńge bólýin tapsyrýdy surady, dep habarlaidy QazAqparat.
«Qazirgi ýaqytta Úkimettiń qoldaýynyń arqasynda qalada 3 jol airyǵynyń qurylysy jalǵasýda (Seifýllin dańǵyly - Jansúgirova kóshesi, Rysqulov dańǵyly - Emtsova kóshesi, Buqtyrma kóshesi – Qulja tas joly) jáne 3 kósheni uzartý jumystary júrip jatyr. Bizge 2020 jylǵa arnalǵan respýblikalyq biýdjetten 28,6 mlrd teńge qajet. Úkimet 2020 jylǵa jol aiyryǵynyń qurylysy men kósheni uzartý jumystaryna 17,2 mlrd teńge bólip otyr. Sonymen qatar, jol túsetin jer ýchaskesin satyp alý máselelerin aldyn-ala sheshýge tiispiz.
Osyǵan bailanysty, sizden Qarjy ministrligine 2020-2021 jyldarǵa arnalǵan biýdjettik tsikldy naqtylaý kezinde 124 jer ýchaskesin satyp alýǵa 9,4 mlrd teńge bólýin tapsyrýdy suraimyn», - dedi Almaty ákimi Baqytjan Saǵyntaev.
Onyń aitýynsha, eger 2021 jylǵa deiin qaladaǵy tiisti jerdi satyp alynbasa, onda kóshelerdegi qurylys jumystary taǵy da toqtap qalýy múmkin.
Óz kezeginde, QR Indýstriia jáne infraqurylymdyq damý ministri Beibit Atamqulov biyl jol-kólik infraqurylymyn damytýǵa 24 milliard teńge qarastyrlǵanyn , onyń 11 milliardy joldardy qalpyna keltirýge bólingenin atap ótti.
Ministrdiń aitýynsha, Almatyda metro stansasynyń qurylysy jalǵasýda, jolaýshylar kóligi jańartylyp jatyr. Halyqaralyq aviatsiialyq habty damytý josparda. Jol jelisiniń uzyndyǵy - 3023 shaqyrymdy quraidy. Onyń 75% -y jaqsy jáne qanaǵattanarlyq jaǵdaida.
«Biyl biz Rysqulov pen Qulja tas jolyndaǵy jol airyǵynyń qurylysyn aiaqtaýdy josparlap otyrmyz. Tórt jol jobasy boiynsha 256 jer ýchaskesin satyp alýǵa 12,5 mlrd teńge bólindi. 2020 jylǵa arnalǵan respýblikalyq biýdjette 12,7 mlrd teńge qarastyrylǵan, onyń 9,5 mlrd teńgesi avtokólik joldaryn salý men qaita qalpyna keltirýge jumsalady. Al jer ýchaskelerin satyp alý úshin 3,1 mlrd teńge qarastyrylǵan. Metro qurylysy jalǵasýda. Oǵan respýblikalyq biýdjetten 17,4 mlrd teńge bólindi, onyń ishinde 12 mlrd teńgesi Saryarqa men Dostyq stansasynyń qurylysyna baǵyttalǵan jáne 5,4 mlrd teńge vagondarǵa bólindi. Qurylys jumystary 2021 jyly aiaqtalady dep josparlanýda», - dedi Beibit Atamqulov.
