Almaty ákimi Baqytjan Saǵyntaev Instagram paraqshasynda almatylyqtar men qala qonaqtaryna Jańa jylmen quttyqtady, dep habarlaidy "Ult aqparat".
«Bizdiń súiikti qalamyz — Almatyda aldaǵy Jańa jyldy qýanyshpen jáne úlken úmitpen qarsy alamyz. Osynaý jarqyn mereke bizge qasymyzdaǵy týǵandarymyzben, dostarymyzben birge jylylyq syilaidy» – dep jazdy qala ákimi.
Sonymen qatar, ol ótip bara jatqan jyly ómirimizdiń barlyq salasynda oń ózgeristerdi nyǵaitý úshin bárin jasaǵanyn tilge tiek etti.
«Ótip bara jatqan jyly biz ómirimizdiń barlyq salasynda oń ózgeristerdi nyǵaitý úshin bárin jasadyq. Biz jii ári ashyq júzdestik. Bárimiz úshin birdei múmkindigi bar Jańa Almatyny qurý úshin mańyzdy qadamdardy júzege asyrdyq. Úmit pen úlken jetistikter qalasyn qalyptastyrdyq.
Qurmetti dostar! Biz — naǵyz almatylyq minezdiń iesimiz. Ashyq, eńbeksúigish, meiirimdi jáne batyl bola alamyz. Árine, eger másele súiikti qalamyzdyń taǵdyryna qatysty bolsa. Jaqyn arada Jańa 2020 jyl úiimizge enedi. Ony qarsy ala otyryp, biz eń jaqyn adamdarymyz týraly oilaimyz. Olarǵa nazar aýdaramyz jáne qamqorlyqqa bóleimiz.
Kele jatqan jańa jylda ár otbasynda beibitshilik pen baiandy baqyt saltanat qursyn. Barlyq izgi úmitter men armandar oryndalsyn! Barlyǵyńyzǵa shyn júrekten densaýlyq pen gúldený tileimin. Jańa jyl qutty bolsyn!» – dep jazdy Baqytjan Saǵyntaev.
