Búgin Májilistiń jalpy otyrysynda depýtat, Halyq Qaharmany Baqytjan Ertaev Arystaǵy jarylysqa qatysty pikir bildirdi, dep habarlaidy "Ult aqparat".
«Meniń oiymsha, mundai oqiǵanyń qaitalanbaýy úshin osy máseleni ary qarai egjei-tegjeili talqylaý kerek. Qaza bolǵandardyń týystaryna qaiǵyryp kóńil aitamyn. Zardap shekkenderdiń tezirek saýyǵyp ketýin tileimin. Májilis depýtattary birinshi kúnnen bastap osy qaiǵyly jaǵdaiǵa ortaq bolyp, qolymyzdan kelgenshe járdem berip jatyrmyz. Osyndai jaǵdaiǵa jol berilmeýi kerektigi túsinikti. Atyraý da esimizde. Osy Arysta da bolǵan oqiǵa. Bylai qaraǵanda, kináli adam tabýǵa bolady. Biraq, kinálamaý úshin, bundai oqiǵany boldyrmaý qajet. Áskeri adam retinde bul jaǵdai kúrdeli ekenin bilemin. Quzyretti organdar bul máseleniń mán-jaiyn anyqtaidy, sáikesinshe, tiisti qorytyndy shyǵarady», - dedi B.Ertaev.
Májilis tórǵasynyń usynysy boiynsha birqatar depýtattar qazir Arysta degen Baqytjan Ertaev arsenaldyń qorǵanysy joǵary bolýy kerek ekenin atap ótti.
«Osyndai arsenaldar jan-jaqty kúzetpen, qorǵanyspen qamtamasyz etilýi tiis. Meniń oiymsha, quzyretti organdar bul máseleni tolyqtai zertteidi. Sondyqtan osyndai oqiǵalarǵa jol bermes úshin tiisti sharalardy qabyldaidy», - dedi ol.
