Memlekettik rámizderdi bilý, qurmetteý – patriotizmniń basty nyshany. Rámizder – bizdiń maqtanyshymyz.Onyń ishinde eldiń eldigin, memlekettiń bolmysyn tanytatyn eltańbanyń orny bólek.
Memlekettik rámizderdi nasihattap, dáripteý bizdiń elimizde balabaqshadan bastalyp, mektepterde de jan-jaqty tanystyrylyp júr. Ony ózimniń nemerelerimnen de baiqaimyn. Aǵaiyn-týystyń balalary da tańdailary taqyldap avtorlaryna deiin jatqa aitady. Aýyldyq jerlerdegi mektepterde ol tipten jaqsy nasihattalatyndai.
Bizdiń ulttyq kitaphnaǵa kún saiyn 3-4 myńǵa deiin oqyrman keledi. Solardyń 70-80 paiyzy – jastar. Oqyrmandarmen jii bailanys ornatý arqyly da jastardyń boiynda patriotizm joǵary ekenin baiqap júrmiz. Kitaphananyń ishinde túrli tanymdyq buryshtar ázirlep, arnaiy dárister ótkizemiz. Sebebi bizdiń kitaphanamyz kelgen oqyrmanǵa rýhani orda, tanymdyq ortalyq retinde qyzmet kórsetedi. Memlekettiń rámizderdiń, eldik nyshandardyń qadir-qasietin tanystyryp otyramyz.
Alaida, taiaýda ǵana Astana men Almaty qalalarynda júrgizilgen áleýmettik saýalnamaǵa qatysqan 500-den astam túrli jastaǵy azamat bizdiń eltańbanyń beinesin esine túsire almai qinalǵanyn aityp jatyr. Eltańba barlyq azamat úshin túsinikti, uǵymǵa sai bolýy qajet. Onyń boiynda ultymyzdyń júrip ótken joly, tanym-túsinigi aiqyn kórinis tabýy qajet. Qazaqstandy shetildikter kóbinese qonaqjai, erkin, otbasy qundylyqtary men birligi bekem el dep tanidy. Bul belgiler bizdiń memlekettik beinelerden de kórinis taýyp, bite qainasyp jatqany durys.
Baqytjamal Ospanova, QR Ulttyq kitaphanasynyń direktory
