2020 jyly elordalyq 2 myńǵa jýyq otbasy «Baqytty otbasy» baǵdarlamasynyń aiasynda turǵyn úimen qamtamasyz etiledi. Bul, ótken jylmen salystyrǵanda 2 esege kóp. Bul týraly qala ákimdigi habarlady.
«Respýblikalyq biýdjetten qarjylandyrýdyń artýyna bailanysty 2020 jyly beriletin páterler sany kóp bolyp otyr. Budan bólek, muqtaj otbasylarǵa turǵyn úidi satyp alýdaǵy kómek jergilikti biýdjet esebinen de júzege asyrylady. Baǵdarlamanyń árbir qatysýshysyna 1 mln teńge mólsherinde turǵyn úi sertifikattary beriletin bolady», - dedi ákimdikten.
Málim bolǵandai, ótken jyly «Baqytty otbasy» baǵdarlamasy aiasynda elordalyq 721 otbasy turǵyn úimen qamtyldy.
Baǵdarlamanyń ekinshi kezeńin naýryz aiynda júzege asyrý josparlanyp otyr. Turǵyn úige úmitker azamattar sanatyna kópbalaly, tolyq emes otbasylar, sondai-aq erekshe qajettilikteri bar balalardy tárbielep otyrǵan januialar jatady.
Jumyspen qamtý jáne áleýmettik qorǵaý basqarmasynyń bólim basshysy Daniiar Baltinniń aitýynsha, turǵyn úi qaryzy 2% beriledi. Iaǵni, otbasy 10 mln teńge qaryz alsa, ai saiynǵy tólem 20 jylǵa shaqqanda 50 myń teńgeni quraidy.
Aǵymdaǵy jyly baǵdarlamany júzege asyrýǵa respýblikalyq biýdjetten 100 mlrd teńge qarajat bólingendigin atap ótken jón. Halyqtyń áleýmettik qorǵalmaǵan sanaty úshin páterlerdi satyp alýda kómekti jergilikti bilik te kórsetip otyr. Osy jyly ártúrli memlekettik baǵdarlamalar esebinen 8 myńǵa jýyq adamdy turǵyn úimen qamtamasyz etý josparlanǵan.
Eske salsaq, «Bakytty otbasy» baǵdarlamasy áleýmettik sanattaǵy otbasylar úshin baspana satyp alý múmkindigin arttyrý boiynsha QR Prezidentiniń tapsyrmasyn oryndaý aiasynda iske qosyldy.
