20 maýsym men 19 shilde aralyǵynda "Otbasy bank" saitynda "Baqytty otbasy" baǵdarlamasyna qatysýǵa ótinim qabyldaý ashylady, - dep habarlaidy Tengrinews.kz banktiń baspasóz qyzmetine silteme jasap.
Baǵdarlamaǵa qatysýshylar turǵyn úi satyp alýǵa 20 jyl merzimge 2 paiyzben nesie ala alady. Bastapqy jarna 10 paiyz bolady.
Baǵdarlamaǵa ákimdikte kezekte turǵan myna azamattar qatysa alady:
- kópbalaly otbasy;
- múmkindigi shekteýli bala tárbielep otyrǵan otbasy;
- tolyq emes otbasy (neke buzylǵan sátten bastap keminde úsh jyl ótýi kerek).
"Baqytty otbasy" baǵdarlamasynyń kómegimen jergilikti ákimdikter boiynsha salynǵan nemese kandidattyń tańdaýy boiynsha kez kelgen turǵyn úidi satyp alýǵa bolady. Nesieniń eń joǵary somasy Nur-Sultan, Almaty qalalarynda jáne osy qalalar mańynda, Shymkent, Aqtaý, Atyraý qalalarynda 15 million teńgege deiin jáne qalǵan óńirlerde 10 million teńgege deiin bolady", - delingen habarlamada.
Jyljymaityn múlik nesie alýshy turǵyn úi kezeginde turǵan óńirden satyp alynýy tiis.
