20 ماۋسىم مەن 19 شٸلدە ارالىعىندا "وتباسى بانك" سايتىندا "باقىتتى وتباسى" باعدارلاماسىنا قاتىسۋعا ٶتٸنٸم قابىلداۋ اشىلادى, - دەپ حابارلايدى Tengrinews.kz بانكتٸڭ باسپاسٶز قىزمەتٸنە سٸلتەمە جاساپ.
باعدارلاماعا قاتىسۋشىلار تۇرعىن ٷي ساتىپ الۋعا 20 جىل مەرزٸمگە 2 پايىزبەن نەسيە الا الادى. باستاپقى جارنا 10 پايىز بولادى.
باعدارلاماعا ەكٸمدٸكتە كەزەكتە تۇرعان مىنا ازاماتتار قاتىسا الادى:
- كٶپبالالى وتباسى;
- مٷمكٸندٸگٸ شەكتەۋلٸ بالا تەربيەلەپ وتىرعان وتباسى;
- تولىق ەمەس وتباسى (نەكە بۇزىلعان سەتتەن باستاپ كەمٸندە ٷش جىل ٶتۋٸ كەرەك).
"باقىتتى وتباسى" باعدارلاماسىنىڭ كٶمەگٸمەن جەرگٸلٸكتٸ ەكٸمدٸكتەر بويىنشا سالىنعان نەمەسە كانديداتتىڭ تاڭداۋى بويىنشا كەز كەلگەن تۇرعىن ٷيدٸ ساتىپ الۋعا بولادى. نەسيەنٸڭ ەڭ جوعارى سوماسى نۇر-سۇلتان, الماتى قالالارىندا جەنە وسى قالالار ماڭىندا, شىمكەنت, اقتاۋ, اتىراۋ قالالارىندا 15 ميلليون تەڭگەگە دەيٸن جەنە قالعان ٶڭٸرلەردە 10 ميلليون تەڭگەگە دەيٸن بولادى", - دەلٸنگەن حابارلامادا.
جىلجىمايتىن مٷلٸك نەسيە الۋشى تۇرعىن ٷي كەزەگٸندە تۇرعان ٶڭٸردەن ساتىپ الىنۋى تيٸس.
