Jer reformasy jónindegi komissiianyń múshesi, QR Parlamenti Májilisiniń depýtaty Baqytbek Smaǵulov moratoriidi 5 jylǵa uzartýǵa qatysty usynysty qoldaitynyn aita kele, komissiianyń otyrystary kezinde árbir adamnyń pikiri eskerilgenin, eshkimniń sóileý quqyǵy shektelmegenin aitty, dep habarlaidy Bnews.kz tilshisi.
«Komissiia jumysynyń ne basynda, ne aiaǵynda joq, biraq bizdiń jumysymyzdy daýǵa ainaldyrǵysy kelgen keibir kertartpa adamdar boldy. Biz bir-birimizge dushpan emespiz, osy otyrǵan azamattardyń barlyǵy da ashy pikirin aitty. Halyqpen kezdestik. Bilik de aýyr sózderdi qabyldady, tyńdady. Árbir adammen sanastyq, eshkimniń sóileý quqyǵy shektelgen joq», - dedi Baqytbek Smaǵulov.
Depýtat halyqtyń ishinen shyǵyp, jer máselesine jany ashyǵan azamattarǵa qatysty quqyq qorǵaý organdary tergeý jumysyn júrgizip jatqanyn atap ótti.
«Biz azamat retinde, halyqtyń qalaýlysy retinde onyń aq-qarasyn anyqtaýǵa atsalysamyz. Biraq búirekten siraq shyǵarmai, árqaisymyz halyqtyń, eldiń birligin saqtaýǵa umtylýymyz kerek. Qansha ai boiy jumys istedik qoi, eldiń arasynda boldyq. Eldiń yntymaǵyn saqtap, yrysyn arttyrýǵa jumys isteiik. Táýelsizdigimizdiń 25 jyldyǵy kele jatyr, sony alaqanymyzda aialaýǵa tiispiz. Ol siz ben bizge bailanysty», - dep tolyqtyrdy komissiia múshesi.
«Moratorii engizilgen kúnniń ózinde eshkimniń jaýapkershiligi jeńildemeidi. Áli de aýqymdy jumys bar. Osymen ainalysatyn mamandar iske bel sheshe kirisýi kerek», - dep túiindedi ol.
.jpeg)