18 qazanda Vashingtonda (AQSh) Dúniejúzilik bank toby men HVQ Direktorlar keńesiniń jyl saiynǵy otyrystary aiasynda Qazaqstan Respýblikasynyń Saýda jáne integratsiia ministri Baqyt Sultanov AQSh Saýda Hatshysy Ýilbýr Rosspen ekijaqty kezdesý ótkizdi, dep habarlaidy "Ult aqparat".
Ministrlik baspasóz qyzmetiniń málimetinshe, kezdesý Qazaqstan Respýblikasy men Amerika Qurama Shtattary arasyndaǵy Ekonomikalyq yntymaqtastyq jónindegi joǵary deńgeili kezdesý aiasynda ótken. Bul bastama Qazaqstan Respýblikasynyń Tuńǵysh Prezidenti Elbasynyń 2018 jylǵy qańtarda sapary kezinde bastaldy.
Kezdesý barysynda taraptar ishki jáne syrtqy saýda, taýarlar men qyzmetterdi eksporttaý, kommertsiialyq jáne investitsiialyq jobalardy iske asyrý, Tyson Foods kompaniiasymen birlesken jobalar, birlesken jobalarǵa (AIFC) qarjylyq qoldaý kórsetýdiń eki jaqty yntymaqtastyq salasynyń máselelerin, sanktsiialar saiasaty, ziiatkerlik menshik jáne elektrondyq saýda máselelerin, sondai-aq DSU jáne EYDU sheńberinde yntymaqtastyqty talqylady.
Amerika Qurama Shtattary Qazaqstannyń negizgi strategiialyq seriktesteriniń biri. Bizdiń elderimiz arasyndaǵy saýda ainalymy kólemi 2018 jyly aldyńǵy jylmen salystyrǵanda 36% -ǵa artyp, 2,2 mlrd. AQSh dollaryn qurady.
2019 jyldyń 8 aiynyń qorytyndysy boiynsha ótken jyldyń uqsas kezeńindegi derekterdi saqtai otyryp, Qazaqstan Respýblikasy men Amerika Qurama Shtattary arasyndaǵy taýar ainalymy 1,4 milliard dollardy qurady.
Saýda-ekonomikalyq yntymaqtastyqty odan ári damytý jáne onyń joǵary serpininqoldaý úshin jetkiziletin taýarlar men qyzmet nomenklatýrasyn keńeitý,isker toptar arasynda tikelei bailanys ornatý boiynsha birlesken jumysty jalǵastyrý usynyldy.
Qazaqstandyq tarap AQSh-qa qazaqstandyq taýarlardyń eksportyn 50 taýar pozitsiiasy boiynsha 802,1 mln AQSh dollarynan astam somaǵa ulǵaityp, ózara saýdadaǵy ońtaily trendti nyǵaitýdy usyndy.
