Qazaqstan Respýblikasynyń Saýda jáne integratsiia ministri Baqyt Sultanovtyń Ýkrainaǵa jumys sapary aiasynda Ýkrainanyń joǵarǵy laýazymdy tulǵalary men birqatar kezdesýler ótkizildi, dep habarlaidy "Ult aqparat" Qazaqstannyń Ýkrainadaǵy elshiliginiń resmi saityna silteme jasap.
Ýkrainanyń Premer-ministri Denis Shmygalmen suhbat barysynda eki jaqty yntymaqtastyq máseleleriniń keń aýqymy talqylandy.
Taraptar saýda men kooperatsiialyq yntymaqtastyqtyń ózara is-qimylyn odan ári damytý úshin kóptegen ortaq joldardyń bolýyn atap ótti. Buǵan Ekonomikalyq yntymaqtastyq jónindegi birlesken qazaqstan-ýkraina memleketaralyq komissiiasynyń 14-otyrysynyń qorytyndylary dálel bola alady. Óz kezeginde, Komissiia otyrysynyń nátijesinde qol qoiylǵan Hattama, is júzinde, birlesken is-qimyldardyń egjei-tegjeili «jol kartasy» bolyp tabylady.
Taraptar qol jetkizilgen ýaǵdalastyqtardyń oryndalýyn baqylaýdy qamtamasyz etýge, sondai-aq, úkimetaralyq jáne vedomstvoaralyq bailanystardyń dinamikasyn júieli negizde qoldap turýǵa kelisti.
«Bizdiń úkimetter arasyndaǵy tyǵyz ózara is-qimyl eki eldiń ekonomikalyq kórsetkishteriniń odan ári ósýine oń áserin tigizetinine senimdimin», - dep paiymdady Denis Shmygal.
Ýkrainanyń vitse-premer-ministri - Tsifrlyq transformatsiia ministri Mihail Fedorovpen tsifrlandyrý jáne IT qyzmetterin usyný salasyndaǵy ózara is-qimyl máseleleri talqylandy.
M.Fedorov Qazaqstannyń halyqqa jáne bizneske memlekettik qyzmetter kórsetý maqsatynda tsifrlyq tehnologiialardy engizý salasyndaǵy jetistikterin joǵary baǵalady. Ýkrainalyq IT-mamandardyń joǵary quzyrettiligin eskere otyryp, suhbattasýshylarmen osy saladaǵy ekijaqty yntymaqtastyqty damytýdyń eleýli áleýeti atap ótildi.
Ýkrainanyń Vitse-premer-ministri perspektivalyq jobalardy túbegeili pysyqtaý jáne memlekettik qyzmetterdi tsifrlyq formatta kórsetý boiynsha tájiribe almasý maqsatynda Qazaqstanǵa kelýge shaqyrýdy qabyldai otyryp, «Bir-birimizben bólisetin aitarlyqtai tájiribemiz bar», - dep atap ótti.
B.Sultanov koronavirýs pandemiiasyna qarsy kúrestiń aldaǵy sharalaryn talqylaý maqsatynda Ýkrainanyń Densaýlyq saqtaý ministri Viktor Liajkomen de kelissózder júrgizdi.
Eki memleket arasyndaǵy turaqty áýe qatynastarynyń qalpyna kelýin jáne elder azamattarynyń iskerlik belsendiliginiń ulǵaiǵanyn eskere otyryp, taraptar COVID-19-ǵa qarsy vaktsinatsiia pasportyn/sertifikatyn ózara taný máselelerin pysyqtaýǵa kelisti.
Qazaqstan tarapy óziniń QazVac vaktsinasyn ázirlep, óndire bastaǵany týraly habarlady. Bul rette, ony Ýkrainaǵa jetkizýge, qajetilik bolǵan jaǵdaida gýmanitarlyq kómek retinde berýge de daiyndyǵyn rastady.
Qazaqstandyq ministr koronavirýstyń taralýynyń alǵashqy kúnderinen bastap Qazaqstan arqyly tranzitpen (Qazaqstan qalalaryna tehnikalyq qonýmen) Qytaidan Ýkrainaǵa gýmanitarlyq kómek jetkizýde taraptar tiimdi yntymaqtastyq ornatqanyn atap ótti.
