قازاقستان رەسپۋبليكاسىنىڭ ساۋدا جەنە ينتەگراتسييا مينيسترٸ باقىت سۇلتانوۆتىڭ ۋكرايناعا جۇمىس ساپارى اياسىندا ۋكراينانىڭ جوعارعى لاۋازىمدى تۇلعالارى مەن بٸرقاتار كەزدەسۋلەر ٶتكٸزٸلدٸ, دەپ حابارلايدى "ۇلت اقپارات" قازاقستاننىڭ ۋكرايناداعى ەلشٸلٸگٸنٸڭ رەسمي سايتىنا سٸلتەمە جاساپ.
ۋكراينانىڭ پرەمەر-مينيسترٸ دەنيس شمىگالمەن سۇحبات بارىسىندا ەكٸ جاقتى ىنتىماقتاستىق مەسەلەلەرٸنٸڭ كەڭ اۋقىمى تالقىلاندى.
تاراپتار ساۋدا مەن كووپەراتسييالىق ىنتىماقتاستىقتىڭ ٶزارا ٸس-قيمىلىن ودان ەرٸ دامىتۋ ٷشٸن كٶپتەگەن ورتاق جولداردىڭ بولۋىن اتاپ ٶتتٸ. بۇعان ەكونوميكالىق ىنتىماقتاستىق جٶنٸندەگٸ بٸرلەسكەن قازاقستان-ۋكراينا مەملەكەتارالىق كوميسسيياسىنىڭ 14-وتىرىسىنىڭ قورىتىندىلارى دەلەل بولا الادى. ٶز كەزەگٸندە, كوميسسييا وتىرىسىنىڭ نەتيجەسٸندە قول قويىلعان حاتتاما, ٸس جٷزٸندە, بٸرلەسكەن ٸس-قيمىلداردىڭ ەگجەي-تەگجەيلٸ «جول كارتاسى» بولىپ تابىلادى.
تاراپتار قول جەتكٸزٸلگەن ۋاعدالاستىقتاردىڭ ورىندالۋىن باقىلاۋدى قامتاماسىز ەتۋگە, سونداي-اق, ٷكٸمەتارالىق جەنە ۆەدومستۆوارالىق بايلانىستاردىڭ ديناميكاسىن جٷيەلٸ نەگٸزدە قولداپ تۇرۋعا كەلٸستٸ.
«بٸزدٸڭ ٷكٸمەتتەر اراسىنداعى تىعىز ٶزارا ٸس-قيمىل ەكٸ ەلدٸڭ ەكونوميكالىق كٶرسەتكٸشتەرٸنٸڭ ودان ەرٸ ٶسۋٸنە وڭ ەسەرٸن تيگٸزەتٸنٸنە سەنٸمدٸمٸن», - دەپ پايىمدادى دەنيس شمىگال.
ۋكراينانىڭ ۆيتسە-پرەمەر-مينيسترٸ - تسيفرلىق ترانسفورماتسييا مينيسترٸ ميحايل فەدوروۆپەن تسيفرلاندىرۋ جەنە Iت قىزمەتتەرٸن ۇسىنۋ سالاسىنداعى ٶزارا ٸس-قيمىل مەسەلەلەرٸ تالقىلاندى.
م.فەدوروۆ قازاقستاننىڭ حالىققا جەنە بيزنەسكە مەملەكەتتٸك قىزمەتتەر كٶرسەتۋ ماقساتىندا تسيفرلىق تەحنولوگييالاردى ەنگٸزۋ سالاسىنداعى جەتٸستٸكتەرٸن جوعارى باعالادى. ۋكراينالىق ٸت-مامانداردىڭ جوعارى قۇزىرەتتٸلٸگٸن ەسكەرە وتىرىپ, سۇحباتتاسۋشىلارمەن وسى سالاداعى ەكٸجاقتى ىنتىماقتاستىقتى دامىتۋدىڭ ەلەۋلٸ ەلەۋەتٸ اتاپ ٶتٸلدٸ.
ۋكراينانىڭ ۆيتسە-پرەمەر-مينيسترٸ پەرسپەكتيۆالىق جوبالاردى تٷبەگەيلٸ پىسىقتاۋ جەنە مەملەكەتتٸك قىزمەتتەردٸ تسيفرلىق فورماتتا كٶرسەتۋ بويىنشا تەجٸريبە الماسۋ ماقساتىندا قازاقستانعا كەلۋگە شاقىرۋدى قابىلداي وتىرىپ, «بٸر-بٸرٸمٸزبەن بٶلٸسەتٸن ايتارلىقتاي تەجٸريبەمٸز بار», - دەپ اتاپ ٶتتٸ.
ب.سۇلتانوۆ كوروناۆيرۋس پاندەميياسىنا قارسى كٷرەستٸڭ الداعى شارالارىن تالقىلاۋ ماقساتىندا ۋكراينانىڭ دەنساۋلىق ساقتاۋ مينيسترٸ ۆيكتور لياجكومەن دە كەلٸسسٶزدەر جٷرگٸزدٸ.
ەكٸ مەملەكەت اراسىنداعى تۇراقتى ەۋە قاتىناستارىنىڭ قالپىنا كەلۋٸن جەنە ەلدەر ازاماتتارىنىڭ ٸسكەرلٸك بەلسەندٸلٸگٸنٸڭ ۇلعايعانىن ەسكەرە وتىرىپ, تاراپتار COVID-19-عا قارسى ۆاكتسيناتسييا پاسپورتىن/سەرتيفيكاتىن ٶزارا تانۋ مەسەلەلەرٸن پىسىقتاۋعا كەلٸستٸ.
قازاقستان تاراپى ٶزٸنٸڭ QazVac ۆاكتسيناسىن ەزٸرلەپ, ٶندٸرە باستاعانى تۋرالى حابارلادى. بۇل رەتتە, ونى ۋكرايناعا جەتكٸزۋگە, قاجەتٸلٸك بولعان جاعدايدا گۋمانيتارلىق كٶمەك رەتٸندە بەرۋگە دە دايىندىعىن راستادى.
قازاقستاندىق مينيستر كوروناۆيرۋستىڭ تارالۋىنىڭ العاشقى كٷندەرٸنەن باستاپ قازاقستان ارقىلى ترانزيتپەن (قازاقستان قالالارىنا تەحنيكالىق قونۋمەن) قىتايدان ۋكرايناعا گۋمانيتارلىق كٶمەك جەتكٸزۋدە تاراپتار تيٸمدٸ ىنتىماقتاستىق ورناتقانىن اتاپ ٶتتٸ.
