Elimizde Azyq-túlik taýarlary turaqtandyrý qorlarynyń kólemi tiimdi qalyptastyrylmai otyr. Bul týraly Úkimet otyrysynda QR Saýda jáne integratsiia ministri Baqyt Sultanov aitty, dep habarlaidy QazAqparat.
«Azyq-túlik taýarlary turaqtandyrý qorlarynyń kólemi jetkilikti emes. Iaǵni 3,7 mlrd teńgege 25,4 myń tonna qalyptasqan. Olardyń interventsiiasy jalpy tutynýdyń 0,2 paiyzynan 1,4 paiyzyna deiin quraidy. Bul is júzinde baǵaǵa tiisti áser etpeidi», - dedi agroónerkásiptik keshendi damytýdyń negizgi baǵyttary jáne investitsiialyq jobalardyń iske asyrylýy týraly baiandaǵan Baqyt Sultanov.
Onyń atap ótýinshe, turaqtandyrý qorlarynyń ózderi de tiimdi qalyptaspaidy. Mysaly, Aqtóbe oblysynda 2020 jyly qanttyń, qaraqumyq jarmasynyń, kúnbaǵys maiynyń jáne jumyrtqanyń baǵalary edáýir ósken.
«Bul rette, jyl ishinde qorǵa baǵanyń shamaly ósýi baiqalǵan kókónister satyp alyndy. Turaqtandyrý qorlaryn tek táýekeli joǵary importqa bailanysty taýarlarǵa ǵana qarajat pen kúsh-jigerdi shoǵyrlandyrý arqyly qaita qaraý qajet», - dedi ministr.
