Búgin halyq aldynda esep berip jatqan Astana ákimi Baqyt Sultanov qalanyń jáne onyń turǵyndarynyń kez kelgen máselesin sheshýge ýáde berdi, dep habarlaidy QazAqparat.
«Astana - bul erekshe qala jáne biz óz energiiamyzdy ony keshegiden de jaqsy jasaý úshin jumsaýymyz qajet. Burynǵy qarjy ministri retinde esep berýimizdi ádettegidei, qurǵaq tsifrlardan bastaý úirenshikti bolar edi. Degenmen, qala jáne onyń ekonomikasy - bul, eń aldymen, adamdar. Sondyqtan biz eki mańyzdy qujatty ázirleýge kiristik. Birinshisi - 2050 jylǵa deiin Astanany damytý strategiiasy. Ekinshisi - qalany damytýdyń yńǵaily jospary. Birinshisi - bul bizdiń qalai qarai jyljitynymyzdyń kórinisi, al ekinshisi - oǵan qalai jetýdiń tyńǵylyqty jospary», - dedi B.Sultanov.
Osy rette ákim QR Prezidenti halyqpen keri bailanys ornatýǵa airyqsha basymdyq berip otyrǵanyn atap ótti. Atalǵan údde aiasynda shyǵý úshin osy jyldyń basynan-aq aýdan ákimderi men qala ákiminiń orynbasarlary 33 eseptik kezdesý ótkizdi.
«Árine, jeke kezdesýler eń tiimdi format emes. Sondyqtan biz «iKomek» qyzmetin iske qostyq. Kez kelgen qala turǵyny «109» nómirin terip, óz problemasyn habarlai alady. Ótken jylǵy tsifr tańǵalarlyq. 1 mln ótinish túsip, olar 100 paiyz oryndaldy», - dedi qala basshysy.
Sonymen qatar Baqyt Sultanov qala turǵyndaryn ákimdiktiń jumysyna qatysty óz pikirlerin ashyq bildirýge shaqyrdy.
«Sheshilmeitin másele joq, aǵaiyn. Ár máseleni jerge tastamai, túbine deiin jetemiz, ýáde beremin. Ár máseleni qarap, jolyn tabatyn bolamyz», - dedi ol.
