Baqyt Sultanov "Damý" kásipkerlikti damytý qory" AQ direktorlar keńesiniń tóraǵasy bolyp sailandy. Bul týraly Qazaqstan qor birjasynyń (KASE) habarlamasynda aitylǵan.
"Damý" kásipkerlikti damytý qory" AQ (...) KASE direktorlar keńesiniń 2022 jylǵy 4 aqpandaǵy sheshimi boiynsha, Baqyt Sultanov qordyń direktorlar keńesiniń tóraǵasy bolyp sailandy", - delingen habarlamada.
Engizilgen ózgeristerge sáikes, "Damý" kásipkerlikti damytý qorynyń direktorlar keńesi segiz adamnan turady.
Olar: Baqyt Sultanov, Elena Bahmýtova, Raiymbek Batalov, Ásem Nurǵalieva, Rýstam Júrsinov, Timýr Jaqsylyqov, Ádil Muhamedjanov, Gaýhar Bóribaeva.
Baqyt Turlyhanuly Sultanov 1971 jyly 29 qarashada dúniege kelgen. 1994 jyly Qazaq ulttyq tehnikalyq ýniversitetin «injener – elektrik» mamandyǵy boiynsha, 1995 jyly Qazaq memlekettik basqarý akademiiasyn «ekonomist» mamandyǵy boiynsha bitirgen.
Eńbek jolyn 1994 jyly Qazaqstan Respýblikasy Qarjy ministrliginde Qarjy naryǵynyń baǵaly qaǵazdary basqarmasynyń aktsionerleý jáne litsenziialaý bóliminiń jetekshi ekonomisi bolyp bastaǵan.
1995 jyldan bastap Qazaqstan Respýblikasy Qarjy ministrliginde bólim bastyǵy, sodan keiin basqarma bastyǵynyń orynbasary (1996), Biýdjettik departament direktorynyń orynbasary (1997), Memlekettik satyp alý departamentiniń direktory (1998), Qazynashylyq departamenti direktorynyń orynbasary (1999), Biýdjettik departament direktorynyń orynbasary (2001), Memlekettik biýdjet departamentiniń direktory (2002) bolyp taǵaiyndaldy.
2002 jylǵy qyrkúiekten 2003 jylǵy maýsymǵa deiin - Qazaqstan Respýblikasy Ekonomika jáne biýdjettik josparlaý ministrliginiń biýdjettik saiasat jáne josparlaý departamentiniń direktory.
2003 jylǵy maýsymnan 2006 jylǵy aqpanǵa deiin - Qazaqstan Respýblikasynyń Ekonomika jáne biýdjettik josparlaý vitse-ministri.
2006 jylǵy aqpannan 2007 jylǵy qańtarǵa deiin - Qazaqstan Respýblikasy Statistika agenttiginiń tóraǵasy.
2007 jylǵy qańtardan 2007 jylǵy 10 tamyzǵa deiin - Qazaqstan Respýblikasynyń Qarjy vitse-ministri.
2007 jylǵy 10 tamyzdan bastap - Qazaqstan Respýblikasynyń Ekonomika jáne biýdjettik josparlaý ministri.
2010 jylǵy 13 naýryzda prezidenttiń jarlyǵymen Qazaqstan Respýblikasy Prezidentiniń kómekshisi bolyp taǵaiyndaldy.
2012 jylǵy 21 qańtardan 2013 jylǵy 6 qarashaǵa deiin - Qazaqstan Respýblikasy Prezidenti ákimshiligi basshysynyń orynbasary.
2013 jylǵy 6 qarashadan 2018 jylǵy 11 qyrkúiekke deiin - Qazaqstan Respýblikasy Premer-ministriniń orynbasary jáne Qazaqstan Respýblikasynyń Qarjy ministri.
2018 jylǵy 11 qyrkúiekten 2019 jylǵy 13 maýsymǵa deiin - Astana (qazirgi Nur-Sultan) qalasynyń ákimi.
2019 jylǵy 17 maýsymnan bastap - Qazaqstan Respýblikasynyń Saýda jáne integratsiia ministri.
2022 jyldyń 11 qańtarynan bastap Qazaqstan Respýblikasynyń Premer-Ministriniń orynbasary - Saýda jáne integratsiia ministri bolyp taǵaiyndaldy.
