Aýyr atletikadan Qazaqstan quramanyń bas bapkeri Baqyt Ahmetov Igor Sonnyń jeńisine qatysty pikir bildirdi, dep habarlaidy "Ult aqparat" UOK silteme jasap.
«Árine, búgingi nátijege kóńilim tolady. Júlde úshin synǵa tústik. Birinshi orynǵa qytailyq sportshy, ekinshi orynǵa indoneziialyq sportshy ie boldy. Al úshinshi oryn úshin alty birdei atlet baq synady. Nátijesinde taktikalyq jáne psihologiialyq turǵydan kim myqty boldy, sol jeńiske jetti», - deidi bas bapker Baqyt Ahmetov.
Onyń aitýynsha Olimpiada oiyndaryna daiyndyq qańtar aiynda «Aqbulaq» Olimpiadalyq ortalyǵynda bastalǵan.
«Olimpiadaǵa qatysýǵa quramadan qos sportshy, atap aitqanda, Igor Son men Ibragim Bersanov úmitker boldy. Sáýir aiynda sportshylar Aziia chempionatyna qatysyp, upai kóp enshilegen sportshy Olimpiadaǵa qatysýǵa múmkindik aldy. Tiisinshe, Igor Sonnyń kórsetkishi joǵary boldy.
Daiyndyq barysynda kezdesken eń úlken kedergi ol - Igordyń tizesindegi jaraqaty boldy. Emdelip, dárigerlerimizdiń arqasynda mańyzdy jarysqa deiin qalpyna keldi. Osy oraida dárigerlerimizge aitar alǵysymyz sheksiz», - dep tolyqtyrdy Ahmetov.
