Ázerbaijanda TMD Qorǵanys ministrleri keńesiniń otyrysy aiaqtaldy. Taraptar 2019 jylǵa qorytyndy jasap, 2025 jylǵa deiingi áskeri yntymaqtastyq tujyrymdamasynyń jobasyn qarastyrdy, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Otyrysqa Qazaqstan, Ázerbaijan, Resei, Belarýs, Ózbekstan, Tájikstan Qorǵanys ministrleri jáne Qyrǵyzstan Qarýly kúshteri Bas shtabynyń bastyǵy qatysty.
Jiynda 2025 jylǵa deiingi radiatsiialyq, himiialyq jáne biologiialyq jaǵdaidy baqylaý men baǵalaýdyń birikken júiesin damytý baǵyttary, normativtik jáne quqyqtyq qamtamasyz etý máseleleri talqylandy. Sondai-aq bilim berý, topografiialyq salada, birlesken is-sharalardy ótkizý jáne aqparattyq jariialaýda ózara is-qimyldy odan ári damytý jaiy da aityldy.
Qazaqstan úshin TMD formatyndaǵy áskeri yntymaqtastyqtyń negizgi maqsaty – qorǵanys, áskeri qaýipsizdik salasyndaǵy ózara is-qimyldy qoldaý jáne qatysýshy memleketterdiń turaqty damýy bolyp tabylady.
Kezdesý qorytyndysy boiynsha qorǵanys ministrleriniń keńesi kezekti jylǵa arnalǵan birlesken is-sharalar keshenin bekitti, sondai-aq onyń odan ári jumys isteýiniń qarjylyq aspektilerin jáne áýe-ǵarysh qorǵanysy mindetterin sheshýge beiimdelýdi kelisti.
Baǵdarlama aiasynda Ázerbaijan prezidenti Ilham Áliev qatysýshylardy qabyldady. Sondai-aq «Máńgilik alaý»monýmentine gúl shoǵy qoiyldy.
