Qazaqstan boks federatsiiasynyń bapkerlik máseleler jónindegi vitse-prezidenti, bokstan QR quramasynyń memlekettik jattyqtyrýshysy Baqtiiar Artaev Olimpiadadaǵy boksshylardyń ónerine baǵa berdi, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda Tokioda ótken Olimpiadada qazaqstandyq boksshylardyń altyn medal almaýyna ne kedergi bolǵany týraly suraldy.
«Ár nárseni óz ataýymen aitatyn ýaqyt keldi ǵoi. Osy oraida sátsizdik degen oryndy bolar, iaǵni óte tómen nátije. Elimizdegi 19 mln jankúier bar ekenin eskersek, kóshedegi adamdar bokstyń ahýalyn talqylap jatyr. Sondyqtan óte nashar kórsetkish. Bul jerde eshkim eshkimdi aqtaiyn dep jatqan joq, ózimizdi aqtaýdan aýlaqpyz. Jigitter qolynan kelgenin bárin istedi. Ashyǵyn aitý kerek, biz ádettegidei bas bapkerge sendik. Bul turǵyda osy sózimmen bas bapkerge búkil júkti ysyra salyp, ózimiz sýdan tazamyz dep aitýdan aýlaqpyn. Bul rette júieli jumys jasaldy, búkil jarystarǵa baryp, oqý-jattyǵý jiyndary ótti», - dedi B. Artaev.
Osy oraida Tokida boksshylar eki qolaǵa qol jetkizgenin, alaida Rio Olimpiadasyndaǵydai nátije bolmaǵanyn eske saldy.
«Mundai kórsetkishke qol jetkize almaǵannan keiin, qazir endi saraptama jumystaryn júrgizý kerek. Kóp suraq týyndady, úsh bala óz ornyna bara almady degen ýáj aityldy», - dedi Baqtiiar Artaev.
